ÉXODO 2:7 - Wuj Pa K'ubultzij

⁷ Are uri i ranab' ral ak'al le xtejeb' pan ru' umi'al ma faraón xaq xub'ij che: —¿Kawaj kinsik'ij jun ixoq aj Hebreo man kuya utz'um ak'al xaq kuk'itsaj chawe? —Xcha.

ÉXODO 2:7 Referans Kwoze

ÉXODO 2:4

Xwiri i ranab' i ak'al le xkanaj kan chinaj chrilik wach kuk'ulmaj i ral uxib'al.

NÚMEROS 26:59

Ma Amram xk'uli ru' jun umi'al ma Leví, chi ati Jocabed ub'i, chi xalaxik are k'a o ma Leví chila pa Egipto. I ma Amram xaq ati Jocabed le xe'alax oxib' kak'al chi je are: Ma Aarón, ma Moisés xaq ati Mariy.

NÚMEROS 12:1

Ati Mariy xaq ma Aarón xkijeqo chi k'ax kech'aw chrij ma Moisés man rumal xk'uli ru' jun ixoq aj Cus.

ÉXODO 15:20

Are uri ati Mariy chi profeta, chi ranab' ma Aarón, xuk'am jun chilchil xok chuchilchaxik, xaq konojel ixoqib' xe'ok chuchilchaxik i chilchil xaq xexajawik.

ÉXODO 2:6

I umi'al ma faraón are xujaq uwi i chikach xaqte'et xrilo chi o jun ak'al chupam ko'ik, lik k'ax xuna uk'ux, xub'ij: —I ak'ali kak'al ixoqib' aj Hebreo —xcha.

ÉXODO 2:8

I umi'al ma faraón xub'ij: —Utzi', jat chusik'ixik. Are uri i ali x-e chusik'ixik uchuch i ak'al,