ÉXODO 2:2 - Wuj Pa K'ubultzij

² i ixoq le xk'aqtajik, xalax jun rak'al; are xrilo chi lik chom i ak'al le xruwaj oxib' ik';

ÉXODO 2:2 Referans Kwoze

Hebreos 11:23

X-on panoq, xaq i uqajaw uchuch i a Moisés xki'aljinsaj ukub'ib'al kik'ux che i Dios, are xalax i a Moisés, xkil uqajaw uchuch chi lik chom laj ak'al. Lik kul kik'ux che i Dios chi keuto na; rumali, xkixij ti kib' che i atb'al tzij le, chi xuya i ajawinel chi ni'pa i alab'om kealaxik kekamsaxik. Ike oxib' ik' xkuwaj i ak'al le.

Hechos 7:20

Che taq i ij le xalax a Moisés, i ak'al le lik xumaj uwach i Dios i xa oxib' ik' xkik'itsaj uqajaw uchuch chi kachoch.

Salmos 112:5

I winaq chi o ub'itaq re xaq utz uk'ux kuya i mer pa cha'im, xaq lik ru' utz laj rutzil uk'ux krok'aj utzam ronojel ni'pa i ub'itaq re.

ÉXODO 6:20

I ma Amram xk'uli ru' utiy chi ati Jocabed; i ati Jocabed le xeralaj ma Aarón xaq ma Moisés. I ma Amram xk'asi wuqlajuj waqwinaq (137) Junab'.

NÚMEROS 26:59

Ma Amram xk'uli ru' jun umi'al ma Leví, chi ati Jocabed ub'i, chi xalaxik are k'a o ma Leví chila pa Egipto. I ma Amram xaq ati Jocabed le xe'alax oxib' kak'al chi je are: Ma Aarón, ma Moisés xaq ati Mariy.

Deuteronomio 33:16

Ru' chomiq taq uwach tikon chi kuya ulew, xaq ru' rutzil uk'ux i jun chi jeqel chila chupam i k'ix, chqaj ni ronojel ile puwi ma José, chi x-uli chkixol ratz ucha'.

1 Samuel 16:12

Are uri ma Isaí xutaq usik'ixik uk'ojol le. I ala le lik saq uch'akul, mex puwach xaq lik chom laj ala. Are uri i Ajwal xub'ij che ma Samuel: —Are ala ile, rumali chatwalijoq chajacha re ajawinel pkiwi aj Israel.

2 Reyes 11:3

I a Joás le waqib' junab' xkuwaj kib' ru' i kchajiwik chila prachoch i Ajwal; che i keb' oxib' junab' le, are ati Atalía xrajawin puwi i tinimit.