ÉXODO 18:23 - Wuj Pa K'ubultzij

²³ We keje ile ka'ano xaq we katutaq i Dios chu'anik, lik naj kach'ij uri, xaq konojel i winaq lik kekikotik ke'e chi kachoch —xcha.

ÉXODO 18:23 Referans Kwoze

ÉXODO 18:18

Ile lik katkos ku' xaq kekos i winaq awu' yet, man i chak le lik kuk'is acho'ab', xaq kattiki ti yet chu'anik atukel.

1 Samuel 8:22

Are uri i Ajwal xub'ij che ma Samuel: —Cha'ana na chrij pacha kkib'ij ike chawe, chakojo jun ajawinel pkiwi. Chrijil chik ile ma Samuel xeutaq b'i aj Israel chkijujunal pa taq kitinimit ipa je petnaq wi.

2 Samuel 18:3

Xwiri i achiyab' chi je yij che i ch'oj xkib'ij che: —Ma'an ile, Nim laj Winaq, man i ajch'oj chqij are ti yoj kkaj qakamsaxik, chke ike nti k-ono we koj-anmajik xaq we kekam nik'aj chqe, ike lik xwi yet kkaj akamsaxik, Nim laj Winaq; man a'ij yet keje pacha i jo'mo' juchiy (10,000) achiyab' chqe yoj. Rumali chi lik utz ke'eloq chi katkanaj kan pa tinimit re kataq b'i jub'an chik achiyab' chi je yij che i ch'oj chqato'ik yoj; xecha.

GÉNESIS 18:33

I Ajwal are xuk'is lapanik ru' mam Abraham, xel chila, xaq i mam Abraham x-e chi rachoch.

Gálatas 2:2

Xin-e chila man i Dios xu'aljinsaj pinnojb'al chi o uchak kin-ek. Chila pa Jerusalén, xqamol qib' ku' i jutzob'aj re i Dios, xinsaqij i tzij chke chi yin kintzijoj chke i ne te aj Judío. Te'uri xqamol qib' ku' i kaj-atzil ke i jutzob'aj re i Dios chrij ni'pa i kintijin chu'ankil chi lik o uchak.

Hechos 15:2

Rumali chi ma Pablo xaq i ma Bernabé xkichap kib' che i tzij puwi ile, rumali i winaq chi kekojon che i Dios xki'ul ma Pablo, ma Bernabé xaq jub'an chik achiyab' man xekitaq b'i pa Jerusalén chuyijb'axik i tzij le, ku' i unimaqil i jutzob'aj re i Dios xaq ku' i apostolab' chi je o chila pa tinimit le.

2 Samuel 21:17

Xwiri ma Abisai, chi ralab' ati Sarvia, x-e chuto'ik ma David, xu'an ch'oj ru' aj Filistea xaq xukamsaj. Are uri i je uwinaq ma David le xkib'ij che pub'i i Ajwal chi lik k-e ti chik ku' pa ch'oj, man keje ile kchup ti ukantil aj Israel.

2 Samuel 19:39

Konojel i winaq xki'axuj i raqana Jordán. I ajawinel are xu'axuj i raqana, xutz'ub'aj kan ma Barzilai ijlab'al kan re xaq xutz'onoj utzil chomal puwi. Are uri ma Barzilai xtzalij b'i che i k'ijib'al ipa jeqel wi.

GÉNESIS 30:25

Chrijil chik ralaxik a José ru' ati Raquel, are uri ma Jacob xub'ij che ma Labán: —Chaya chwe chi kintzalij b'i pa wulew chila ipa in petnaq wi.

ÉXODO 16:29

Chikojo pajil chi Yin in Ajwal inb'im chik chiwe chi i ij sábado are jun ij chi kixuxlanik, rumali chi che uwaq ij le keb' ij uwach iwa kinya'o keje ile iwonojel kixkanaj ni ru' ja, mijun kel b'i chiwe pa taq es che uwuq ij —xcha.

ÉXODO 18:22

Are ike chki'ata tzij pkiwi i winaq ronojel ij, xwiri ni'pa i ch'oj nimaq kekik'am li chawach yet; ike kki'at ni tzij puwi i ch'oj chi xa ch'utiq. Keje ile k-ob' jub'i' eqan chaqul yet, man katkito ike che.

ÉXODO 18:24

I ma Moisés xkojon che upixb'anik uqajaw uji', xaq xu'an ronojel ni'pa xb'ix che.