ÉXODO 15:27 - Wuj Pa K'ubultzij

²⁷ Te'uri i aj Israel xeupon pa Elim, chila ipa o wi i kab'lajuj ralaxb'al ya xaq lajuj oxwinaq (70) che' palmera, chila xek'iji wi naqaj che i ya.

ÉXODO 15:27 Referans Kwoze

Apocalipsis 22:2

K'ulala che i ya, o i che' chi uche'lal i echa' re i k'aslemal; xaq xk'iy che i nim laj b'e re i tinimit. I che'i, kab'lajuj mul kuya uwach che jun junab'; ik' ik' kuya uwach. I uxaq i che' le kuriq uchak rutzirsab'al ke i nimaq taq tinimit.

Apocalipsis 7:17

Keje ile k-an ni chke, man ire chi Ral Chij kb'ix che chi xaq o chuxol i kub'ib'al re i Dios chi o u'ij, ire keuchajij na pacha je uchij; keuk'am b'i chuchi' taq i ralaxb'al ya, xaq kkitu' ni ya chi kuya kik'aslemal. Ni'pa uwa'al kiwach i Dios kusu ni chke.

NÚMEROS 33:9

Xe'el chik chila pa Mara, xeupon k'a pa Elim, chila xe'uxlan wi ipa o wi kab'lajuj ralaxb'al ya xaq lajuj oxwinaq (70) uche'lal palma.

Ezequiel 47:12

Chekeb' taq uchi' i raqana kek'iy ni k'iyal taq uwach i che' chi ktijaw uwach. I uxaq lik ketzaq taj, xaq kkimayij ti wachinik. Che ronojel ik' o ni kiwach, man je ja'tal ni rumal i raqana chi kel li prachoch i Ajwal. I uwach i che' kajwax na re ktijawik xaq i uxaq re kunb'al.

ISAÍAS 12:3

Xaq yix utz kix-e chutu'ik i ya ru' kikotemal chi are i ralaxb'al ya re totajik.

ÉXODO 16:1

Konojel aj Israel xe'el chila Elim, xe'e pa tz'inilik jyub' chaqij chi Sin ub'i, chi o chuxol i Elim ru' i Sinaí; jun ik' ru' nik'aj kelik loq che ulew Egipto are xeupon chila Sin.

Salmos 23:2

Kinuk'am b'i pa uxlanem pa chom laj taq k'ijib'al xaq kinuk'am b'i chi taq ya chi lik chom ksememik,