ÉXODO 12:37 - Wuj Pa K'ubultzij

³⁷ I aj Israel xe'el chila che ulew Ramesés, xe'e pusuk' b'i ulew Sucot. Kolo jo'lajujchiy oxt'ub' (600,000) achiyab' xeb'in ku' chaqan chi lik je utz re i ch'oj, je ajlam ti uri ixoqib' xaq ak'alab'.

ÉXODO 12:37 Referans Kwoze

NÚMEROS 1:46

i kik'iyal i winaq xe'eloq konojel, je lajuj wuqlajujwinaq wajxaqmo' jo'lajujchiy oxt'ub' (603,550)

ÉXODO 38:26

Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

NÚMEROS 33:5

I aj Israel xe'el chila pa Ramesés, xeupon k'a Sucot.

NÚMEROS 33:3

I aj Israel xe'el b'i Ramesés che i ij jo'lajuj re i nab'e ik', jun ij chrijil i nima'ij Pascua. Lik ru' nim laj ucho'ab' i Ajwal, xe'el li tusus chkiwach konojel aj Egipto.

NÚMEROS 11:21

Are uri ma Moisés xub'ij che i Ajwal: —I winaq chi je petnaq wu' chaqan je jo'lajujchiy oxt'ub' (600,000) achiyab', ¿I yet kab'ij chi jun ik' kaya i ti'ij chqe re kqatijo?

GÉNESIS 47:11

Are uri ma José xuya kulew uqajaw chila pa Egipto re kejeqi chwach pacha i taqanik xuya ma faraón che. Keje u'ankil uri ile chi uqajaw xaq i ratz ucha' xya' utz laj ulew chke chila Ramesés chi lik rutzil ulew pa Egipto.

ÉXODO 1:11

Are uri i je aj Egipto xekikoj taqanel pkiwi aj Israel chu'anik k'ax laj taq chak, xki'an keb' tinimit chi are: Pitón xaq i Ramesés, ile k'olb'al re i jalajuj taq tijawik re, re ma faraón.

NÚMEROS 26:51

Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.

NÚMEROS 2:32

I ajlanik chi x-an chke konojel i alk'uwalil aj Israel, xe'eloq chi je o lajuj wuqlajujwinaq wajxaqmo' jo'lajujchiy oxt'ub' (603,550) achiyab' chi je yij che i ch'oj.

GÉNESIS 46:3

Are uri i Dios xub'ij che: —Yin in Dios, chi in u-Dios aqajaw; maxij awib' che i enam pa Egipto man chila kin-an ni jun nim laj tinimit chke amuq axikin.

GÉNESIS 15:5

Are uri i Ajwal xuk'am b'i ma Abram chisaq, xub'ij che: —Chattaqen chwa kaj, chawajlaj pe i ch'umil we kattiki chrajlaxik. Lik keje ni kik'iyal amuq axikin ile.

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

ÉXODO 10:9

I ma Moisés xub'ij: Qonojel koj-ek; ke'e qak'al chi k'a je ch'utiq xaq i qaqajaw qachuch chi lik je nimaq taq winaq chik, junam koj-e ku' i qak'ojol xaq i qami'al, junam ku' i qachij xaq i qachikop man chqe yoj are jun nima'ij kojb'al u'ij i Ajwal.

ÉXODO 13:20

I aj Israel xe'el chila Sucot, are xeupon pa Etam xe'uxlan chila ipa kjeqan wi uchi' i tz'inilik jyub' chaqij.

NÚMEROS 1:2

Cheiwajlaj konojel aj Israel pa taq tzob'ajil xaq pa taq alk'uwalil man keje ile ketamaxik wach kib'i xaq ketamaxik je ni'pa achiyab' konojel.