Ester 9:26 - Wuj Pa K'ubultzij

²⁶ Keje uri ile chi i ij le xkiya pub'i purim, chi ke'eloq are uk'iyal pur pkich'ab'al ike. Rumali chi chrij pacha i taqanik chi xutz'ib'aj ma Mardoqueo, ni'pa xeilawik xaq ni'pa xkik'ulmaj pkik'aslemal ronojel ile,

Ester 9:26 Referans Kwoze

Ester 9:20

I ma Mardoqueo xutz'ib'aj ronojel ni'pa xk'ulmaxik, xaq xutaq b'i wuj ku' aj Israel chi je o pa jalajuj taq tinimit chi o pu'ab' i ajawinel ma Asuero; chke ni'pa je o naj xaq chke ni'pa je o naqaj.

Ezequiel 39:11

Che taq i ij le kinya ni che i ma Gog jun k'ijib'al pa tinimit Israel, chwa Ta'aj chila ipa ke'ik'aw wi Ajb'iaj, chwach i mar, man keje ile kmuqik. I k'ijib'al le ku'atij ni ik'awb'al, chila na kmuq wi i ma Gog xaq konojel uwinaq chi je yij che i ch'oj, xaq kkiya ni pub'i, Uwa Ta'aj ke i winaq chi je yij che i ch'oj re ma Gog.

NÚMEROS 16:40

ile are jun k'utb'al re chke aj Israel chi mijun winaq, we rak'al ti ma Aarón ktejeb' taq chwach i sujb'al i sipon chusujuxik i sipon chwach i Ajwal, man xaq kkam uri pacha ukamik ma Coré xaq ni'pa je teren chrij. I ma Eleazar le is xu'ano chrij pacha xb'ix che rumal ma Moisés chi utaqom u'anik i Ajwal.

Ester 9:32

Are uri ati Ester lik xub'ij chik i taqanik chi kki'an na, ronojel ni'pa cholom chupam i wuj are kuriqa i nima'ij chi Purim ub'i. Ronojel ile xtz'ib'ax chupam jun wuj.

Ester 3:7

I nab'e ik' che i junab', ile are i ik' chi Nisán ub'i, che i kab'lajuj junab' re rajawinik i ajawinel ma Asuero, xki'an jun sakinik chwach ma Amán, man kkich'ik i ij xaq i ik' chi ku'an na wach uch'ob'om, are uri xtzaq i sakinik che i ij oxlajuj re ik' kab'lajuj, ile are ik' chi Adar ub'i.