Ester 9:20 - Wuj Pa K'ubultzij

²⁰ I ma Mardoqueo xutz'ib'aj ronojel ni'pa xk'ulmaxik, xaq xutaq b'i wuj ku' aj Israel chi je o pa jalajuj taq tinimit chi o pu'ab' i ajawinel ma Asuero; chke ni'pa je o naj xaq chke ni'pa je o naqaj.

Ester 9:20 Referans Kwoze

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 1:22

Xutaq b'i wuj pa jalajuj taq tinimit chi ku'at tzij pkiwi, tz'ib'tal pkich'ab'al chrij pacha kech'aw i jalajuj taq tinimit le. Tz'ib'tal b'i taqanik chupam chi ronojel k-antaj na chrij pacha i taqanik chi kkiya i achiyab' chi taq kachoch.

Ester 1:1

I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,

ÉXODO 17:14

Are uri i Ajwal xub'ij che ma Moisés: —Chatz'ib'aj iri chupam jun wuj man keje ile ksach taj, xaq chab'ij che ma Josué chi lik kinsach ni uwach ronojel ni'pa i kuxtab'al re ma Amalec.

PRIMER LIBRO DE CR%D3NICAS 16:12

Chk'un chik'ux ni'pa i nimaq xaq chomiq taq anik chi u'anom xaq i taqanik chi ub'im.

Ester 9:19

Xwiri i aj Israel chi je jeqel pa taq komon chi sutim ti rij ru' i tapial nim uwach, lik ru' kikotemal xki'an i nima'ij che i ij kajlajuj re i ik' chi Adar ub'i, xaq xkisipaj jalajuj taq sipon chkiwach.

Ester 9:21

Xub'ij chke chi junab' junab' kki'an ni i nima'ij che i kajlajuj xaq che jo'lajuj ij re i ik' chi Adar ub'i,

Ester 9:26

Keje uri ile chi i ij le xkiya pub'i purim, chi ke'eloq are uk'iyal pur pkich'ab'al ike. Rumali chi chrij pacha i taqanik chi xutz'ib'aj ma Mardoqueo, ni'pa xeilawik xaq ni'pa xkik'ulmaj pkik'aslemal ronojel ile,

Ester 9:27

aj Israel xkib'ij chkiwach chi junab' junab' konojel ike, kimuq kixikin xaq ni'pa xkiya kiwach ku' ike, lik kki'an ni i nima'ij chekeb' ij chi ch'iktalik chrij pacha i taqanik chi xya' chke;

Ester 9:29

Ati ajawinel Ester, chi umi'al ma Abihail, xaq ma Mardoqueo, chi aj Israel, xkitz'ib'aj chik jun wuj chi kub'ij chi i nima'ij re Purim kki'an ni che jun ij ch'iktalik chrij pacha i nab'e mul chi xki'ano,

JEREMÍAS 29:1

Chrijil chik relik b'i i ajawinel ma Jeconías chi je elsam te b'i pa cho'ab' chwach kulew, junam ru' uchuch, ku' ni'pa i kki'an kipatan xaq i je aj-atzil chi je aj Judá, xaq ke aj Jerusalén, aj-anol taq ulew laq xaq jalajuj taq b'iroxik re chapb'al xaq ajch'ayol ch'ich'. I ma Jeremías chi profeta, xutaq b'i ub'ixkil i tziji chwach jun wuj, chi xutaq b'ik are o te'eq pa Jerusalén; xutaq b'i chke i rijab' chi k'a je k'aslik, chke ajsujul sipon, chke i profeta xaq chke konojel i winaq, chi xeuk'am b'i ma Nabucodonosor pa Babilonia.