Ester 9:19 - Wuj Pa K'ubultzij

¹⁹ Xwiri i aj Israel chi je jeqel pa taq komon chi sutim ti rij ru' i tapial nim uwach, lik ru' kikotemal xki'an i nima'ij che i ij kajlajuj re i ik' chi Adar ub'i, xaq xkisipaj jalajuj taq sipon chkiwach.

Ester 9:19 Referans Kwoze

Ester 8:17

Pa jalajuj taq tinimit xaq pa taq komon ipa kya' retamaxik i taqanik re i ajawinel, konojel aj Israel lik xekikotik xaq lik utz xkilo, rumali chi xki'an nima'ij xaq xkiyijb'a jalajuj taq ti'b'alil re kkitijo. Xwi ta la ile, lik je k'i i winaq pa tinimit chi je aj Israel taj xkiya kiwach ku', man lik kkixij kib' chke.

Apocalipsis 11:10

Ni'pa i je re uwach i jyub' ta'aj lik kekikot na rumal kikamik i keb' le. Rumal i kikikotemal kkiya kisipon chkiwach, man i winaq re uwach i jyub' ta'aj lik xek'achir ni kumal i keb' profeta le.

Ester 9:22

kuxtab'al re i ij are aj Israel xkichupsaj kiwach i ajch'oj chkij xaq kuxtab'al re i ik' are xpe jun nim laj kikotemal pkik'ux aj Israel puk'exel i b'is xaq i k'ax chi je o te'eq chupam. Che taq i ij le ru' jun nim laj kikotemal kki'an ni jalajuj taq ti'b'alil, kkisipaj ni jalajuj taq sipon chkiwach xaq chke ni'pa je nib'a'.

Deuteronomio 16:14

Chixkikot che i nima'ij le junam ku' ik'ojol xaq imi'al, ku' iwinaq chi je o pa k'ax iwumal xaq iwajke'el, ku' aj Leví, ku' i winaq aj naj, ku' i ak'alab' chi nti chik kiqajaw kichuch, xaq ku' konojel i malkanib' chi je o pitinimit.

Deuteronomio 16:11

Lik ki'an ni nima'ij le chila che i k'ijib'al ipa u'ulum wi i Ajwal re kojb'al u'ij ub'i, junam ku' ik'ojol xaq imi'al, ku' iwinaq chi je o pa k'ax iwumal yix, ku' aj Leví, ku' i winaq aj naj, ku' i ak'alab' chi nti chik kiqajaw kichuch xaq ku' konojel i malkanib' chi je o pitinimit.

Lucas 11:41

Cheito i nib'a'ib' ru' ub'itaq iwe, chi'ana i utz ru' ik'ux; te'uri xaq pik'ux ch'am ni ke'eloq; xwi ti i'ab' ch'am.

ZACARÍAS 2:4

i kub'ij che: Jat pa'anem chub'ixkil che i ala chi rok'am i pajb'al re k'am pu'ab': I tinimit Jerusalén kejeqi tan chik winaq chwach, xaq lik je k'i ni uwinaq xaq je k'i i chikop rumali i tinimit kok ti tapial chrij.

Deuteronomio 3:5

Ronojel i tinimit le lik sutim rij ru' i tapial chi nim uwach xaq i uchija lik pimiq taq ch'ich' o che, xe'ajlax ti uri i jub'an chik tinimit chi sutim ti rij ru' i tapial chi nim uwach.

1 Samuel 25:8

Utz chatz'onoj chke awajchak, man ike le kkib'ij ni chawe chi qatzij ni'pa kintijin chub'ixkil chawe, rumali kintz'onoj utzil chawe chi chawila tob'al kiwach achiyab' are keuponik, chi chaya chke ike le xaq chwe yin wach taq o awu', man in pacha ak'ojol.”

Ester 9:20

I ma Mardoqueo xutz'ib'aj ronojel ni'pa xk'ulmaxik, xaq xutaq b'i wuj ku' aj Israel chi je o pa jalajuj taq tinimit chi o pu'ab' i ajawinel ma Asuero; chke ni'pa je o naj xaq chke ni'pa je o naqaj.

Deuteronomio 15:7

We o jun nib'a' chkixol awach aj tinimit chi o rajwaxik che; jun chke i nim laj tinimit chi kuya Awajwal Dios chawe ma'an nim che awib' chuto'ik.