Ester 9:18 - Wuj Pa K'ubultzij

¹⁸ I aj Israel chi je o chila pa tinimit Susa, xaq xkimol kib' che i ij oxlajuj xaq che kajlajuj ij, rumali chi k'ate xe'uxlan che i ij jo'lajuj, xaq ike le xkiyijb'a jalajuj taq ti'b'alil ru' jun nim laj kikotemal.

Ester 9:18 Referans Kwoze

Ester 9:21

Xub'ij chke chi junab' junab' kki'an ni i nima'ij che i kajlajuj xaq che jo'lajuj ij re i ik' chi Adar ub'i,

Ester 9:15

Are uri aj Israel chi je o pa tinimit Susa, xkimol chik kib' che i ij kajlajuj re i ik' chi Adar ub'i, chila Susa xekikamsaj chik jo'lajujwinaq (300) achiyab'; xwiri xkik'am ti ub'itaq ke chke.

Ester 9:13

I ati Ester xub'ij che: —We yet, Nim laj Winaq, kumaj awach, chaya chik uri chke i winaq aj Israel chi je o pa tinimit Susa, chi chweq chki'ana chik ch'oj ku' i ajch'oj chkij chrij pacha i taqanik chi aya'om wo'or. Xaq chetzayb'ax ni kich'akul i lajuj uk'ojol ma Amán.

Ester 9:1

Che i ij oxlajuj re kab'lajuj ik', ile are i ik' chi Adar ub'i, are i ij chi ch'iktalik, man k-ani ronojel i taqanik chi xuya i ajawinel, xaq are i ij le chi i je ajch'oj chkij aj Israel kich'ob'om kich'akik. Xwiri xuk'ulmaj ti ile, man are aj Israel xech'akanik.

Ester 9:11

Xaq lik che i ij le, i ajawinel are xretamaj chi lik je k'i chik winaq je kamnaq chila pa tinimit Susa,

Ester 8:11

Chupam i wuj le i ajawinel ma Asuero, xuya i taqanik chke aj Israel, chi pa jalajuj taq tinimit ipa je jeqel wi, chkimolo kib' chuto'ik kik'aslemal xaq chkikamsaxik, chuchupik kiwach i ajch'oj chkij, xaq chkik'ama kan ronojel ub'itaq ke i winaq re i jalajuj taq tinimit, komon, chi kki'an ch'oj chkij xaq chkikamsaj ni konojel ixoqib' junam ku' ak'alab'.

Ester 9:2

I aj Israel chi je jeqel pa jalajuj taq tinimit chi o pu'ab' ma Asuero, xkimol kib' chu'anik ch'oj chkij i ajch'oj chi kich'ob'om te'eq kikamsaxik. Xwiri lik mijun xumin taq rib' ku' man ronojel i tinimit lik oknaq jun nim laj xib'rikil chke.