Ester 9:17 - Wuj Pa K'ubultzij

¹⁷ Che i oxlajuj ij xki'an ronojel ile, xwiri; che i kajlajuj ij xe'uxlanik, xaq xkiyijb'a jun nim laj wa'im ru' jun nim laj kikotemal.

Ester 9:17 Referans Kwoze

Ester 9:1

Che i ij oxlajuj re kab'lajuj ik', ile are i ik' chi Adar ub'i, are i ij chi ch'iktalik, man k-ani ronojel i taqanik chi xuya i ajawinel, xaq are i ij le chi i je ajch'oj chkij aj Israel kich'ob'om kich'akik. Xwiri xuk'ulmaj ti ile, man are aj Israel xech'akanik.

Ester 9:21

Xub'ij chke chi junab' junab' kki'an ni i nima'ij che i kajlajuj xaq che jo'lajuj ij re i ik' chi Adar ub'i,

Ester 9:18

I aj Israel chi je o chila pa tinimit Susa, xaq xkimol kib' che i ij oxlajuj xaq che kajlajuj ij, rumali chi k'ate xe'uxlan che i ij jo'lajuj, xaq ike le xkiyijb'a jalajuj taq ti'b'alil ru' jun nim laj kikotemal.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.