Ester 9:14 - Wuj Pa K'ubultzij

¹⁴ Are uri i ajawinel xuya chik i taqanik chrij pacha xub'ij ati Ester che. I taqanik le xya' chik utzijol chila pa tinimit Susa xaq xetzayb'ax i lajuj uk'ojol ma Amán chi je kamnaq chik.

Ester 9:14 Referans Kwoze

Ester 9:13

I ati Ester xub'ij che: —We yet, Nim laj Winaq, kumaj awach, chaya chik uri chke i winaq aj Israel chi je o pa tinimit Susa, chi chweq chki'ana chik ch'oj ku' i ajch'oj chkij chrij pacha i taqanik chi aya'om wo'or. Xaq chetzayb'ax ni kich'akul i lajuj uk'ojol ma Amán.

Ester 9:15

Are uri aj Israel chi je o pa tinimit Susa, xkimol chik kib' che i ij kajlajuj re i ik' chi Adar ub'i, chila Susa xekikamsaj chik jo'lajujwinaq (300) achiyab'; xwiri xkik'am ti ub'itaq ke chke.

NÚMEROS 24:20

Chrijil chik ub'ixkil ile ma Balaam, are xril i tinimit Amalec, xub'ij i tzijonik re i Ajwal: I tinimit Amalec lik nim te'eq u'ij xwiri lik ksachsax ni uwach ronojel.

Esdras 7:13

Intaqom ub'ixkil chke konojel aj Israel chi je o pin-ab', we kkaj enam awu' pa Jerusalén, utz we ke'ek, nti k-ono we aj Leví xaq we je ajsujul sipon.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Proverbios 12:7

I je utz ti laj taq winaq ketzaqik xaq lik are kkik'isb'ej wi, xwiri i kachoch i je utz laj taq winaq ksach ti uwach.

ECLESIASTÉS 6:3

Jun achi ktiki chuk'uwalixik jo'winaq (100) rak'al xaq kk'asi k'iyal junab'; xwiri tupu k'iyal junab' kk'asi'ik, we kuqusij ti ronojel i utz, xaq we lik kmuq teneri are kkamik; kinb'ij yin chi mas ne o u'ij jun ak'al chi kkamsax rumal uchuch man kresaj chupam uch'akul rumal kuya ti che chi kalaxik.

Gálatas 3:13

Xwiri i Cristo xojresaj pu'ab' i tojpen re i ujer atb'al tzij, xaq xuya rib' chuch'ijik i tojpen pqak'exel yoj. Qeta'am chi keje ile xe'eloq, man keje iri tz'ib'tal chupam uwuj i Dios: “Jun, we tzayb'am che jun che' are xkamik, k'oqtal uri rumal i Dios.”