Ester 9:12 - Wuj Pa K'ubultzij

¹² xub'ij che ati ajawinel Ester: —I aj Israel xekikamsaj quinientos achiyab' xaq lajuj uk'ojol ma Amán chila pa tinimit Susa. ¿Weta'am taj we keje ile ki'anom chke jub'an chik tinimit chi o pin-ab'? ¡Chatz'onoj chik chwe wach mas kawaj man yin kinya ni chawe!

Ester 9:12 Referans Kwoze

Ester 7:2

Che ukab' ij re i wa'im, are ketijin chutu'ik i uwa'al uva muqb'am, are uri i ajawinel xub'ij che ati Ester: —¡Chatz'onoj chwe wach taq kawaj, man yin kinya ni chawe, tupu katz'onoj nik'aj che inrajawinik!

Ester 5:6

Are ketijin chwa'im, i ajawinel xub'ij che ati Ester: —¡Chatz'onoj chwe wach taq kawaj, man yin kinya ni chawe, tupu katz'onoj nik'aj che inrajawinik!

Ester 9:11

Xaq lik che i ij le, i ajawinel are xretamaj chi lik je k'i chik winaq je kamnaq chila pa tinimit Susa,

Ester 9:15

Are uri aj Israel chi je o pa tinimit Susa, xkimol chik kib' che i ij kajlajuj re i ik' chi Adar ub'i, chila Susa xekikamsaj chik jo'lajujwinaq (300) achiyab'; xwiri xkik'am ti ub'itaq ke chke.

Ester 5:3

i ajawinel xutz'onoj che: —¿Wach xak'ulmaj ati ajawinel Ester? ¿Wach kurayij ak'ux? ¡Tupu katz'onoj nik'aj che inrajawinik, kinya ni chawe! Are uri ati Ester xub'ij:

Hechos 23:19

Are uri i atz laj aj-ok'al utzam xuchap b'i che u'ab' i ala xaq xuk'am b'i ru' jela panoq; xutz'onoj che: —¿Wach kawaj ub'ixkil chwe?