Ester 8:2 - Wuj Pa K'ubultzij

² Are uri i ajawinel xresaj ub'aq re uwi u'ab' chi uk'amom kan che ma Amán, xuya che ma Mardoqueo. Xaq ati Ester xuya kan ma Mardoqueo pa aj-ok'al utzam che ub'itaq re ma Amán.

Ester 8:2 Referans Kwoze

Ester 3:10

Are uri i ajawinel xresaj ub'aq che uwi u'ab', xuya che ma Amán, chi ajch'oj chkij aj Israel,

Daniel 2:48

Te'uri i ajawinel xuya a Daniel che jun k'ijib'al nim u'ij xaq xutaq u'anik chomiq taq sipon re kuya che; xwi ta la ile, xaq xuch'ik rij chi aj-ok'al utzam puwi i ulew re i tinimit Babilonia xaq kaj-atzil konojel ni'pa o kino'oj che i nim laj tinimit le.

GÉNESIS 41:42

Are uri ma faraón xresaj ub'aq che uwi u'ab', xukoj che uwi u'ab' a José; te'uri xutaq ukojik u'u' chi lik paqal rajil, xaq xutaq ukojik jun ruwaj an-o'oj.

Lucas 15:22

I uqajaw xub'ij chke umokom: ¡Chib'isoj! Chik'ama li jumolaj u'u' chi lik paqal rajil chikojo che, chikojo jun b'aq che uwi u'ab', xaq chikojo uxajab'.

Salmos 37:34

Xwiri yet, chakub'a ak'ux che i Ajwal, xaq chatkojon che, man Ire kuyak ni a'ij, xaq kuya ni ulew chawe pacha jun kuxtab'al re; ¡Lik kawil ni uchupsaxik kiwach i itzel laj taq winaq!

Ester 8:3

Chrijil chik ile ati Ester xlapan chik ru' i ajawinel, xexuki chwach ru' jun nim laj o'ej xaq xel uwa'al uwach, xub'ij che chi chsachsax ni uwach i itzel laj atb'al tzij chi xuya kan ma Amán chi xaq mekamsax aj Israel.

Ester 10:2

Ronojel ni'pa xu'an ma Asuero are xnimar u'ij, are xnimar rajawinik, xaq are xunimarsaj upatan ma Mardoqueo, lik tz'ib'tal chupam i wuj ipa ktz'ib'ax wi ronojel ni'pa kk'ulmax pa taq tinimit Persia xaq Media.