Ester 8:16 - Wuj Pa K'ubultzij

¹⁶ keje uri ile: Chi konojel aj Israel lik xekikotik, man lik chom xaq lik utz xkilo man xya' ki'ij.

Ester 8:16 Referans Kwoze

Salmos 97:11

I saq kk'iji ni pkiwi i je utz, xaq kk'iji ni kikotemal pkiwi i suk'ul kik'ux.

Proverbios 11:10

I utz laj taq winaq are ke'el chisaq, kkikot i tinimit, are kekam i utz ti laj taq winaq lik kesak'lin ni winaq chikaj rumal kkikotemal.

Salmos 18:28

Yet, Ajwal, katzij ni a' chwe; yet, Wajwal Dios, ka'an ni saq che inb'e pa equm.

ISAÍAS 35:10

Man ni'pa i je ukirom i Ajwal, ke'ok ni pa tinimit Sion ru' b'ix re kikotemal, xaq arewi kekikot na. Lik kkiriq ni kikotemal xaq utz olem, xaq ksach ni uwach o'ej xaq i k'axk'olil.

Salmos 112:4

Lik kwalch'in ni usaqil i Ajwal pa equm chke i suk'ul kik'ux; che i jun chi o k'axnab'al uk'ux, utz laj winaq xaq lik suk'ulik.

Ester 9:17

Che i oxlajuj ij xki'an ronojel ile, xwiri; che i kajlajuj ij xe'uxlanik, xaq xkiyijb'a jun nim laj wa'im ru' jun nim laj kikotemal.

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

Salmos 118:27

I Ajwal lik Dios, man lik xojresaj chisaq; chijeqa i nima'ij, chik'ama b'i u'ab' taq che' re kikoj che i rok'a' i sujb'al sipon.

Salmos 30:12

Rumali, Wajwal Dios, lik katinb'ixaj na xaq inchi' kumayij ti ab'ixaxik; arewi lik kintioxij ni chawe.

Proverbios 28:12

I utz laj taq winaq are kech'akanik, k-an jun nim laj nima'ij chke; xwiri are kech'akan i je utz ti laj taq winaq, konojel i winaq kkuwaj kib'.