Ester 8:11 - Wuj Pa K'ubultzij

¹¹ Chupam i wuj le i ajawinel ma Asuero, xuya i taqanik chke aj Israel, chi pa jalajuj taq tinimit ipa je jeqel wi, chkimolo kib' chuto'ik kik'aslemal xaq chkikamsaxik, chuchupik kiwach i ajch'oj chkij, xaq chkik'ama kan ronojel ub'itaq ke i winaq re i jalajuj taq tinimit, komon, chi kki'an ch'oj chkij xaq chkikamsaj ni konojel ixoqib' junam ku' ak'alab'.

Ester 8:11 Referans Kwoze

Ester 3:13

Chrijil chik ile, xtaq b'i chke ajk'amol b'i wuj man kkijach pa jalajuj taq tinimit ipa ku'at wi tzij i ajawinel ma Asuero. Chupam i wuj le ktaq uchupik kiwach konojel aj Israel, che jun chi ij konojel aj Israel, alab'om, rijab', ak'alab' xaq ixoqib', xaq kk'am ronojel ub'itaq ke. I ij ch'iktalik are i ij oxlajuj re i kab'lajuj ik', ile are ik' chi Adar ub'i.

Ezequiel 39:10

Nti chik uchak ke'e chutzukuxik kisi' pa taq es, xaq kkik'atzij ti chik pa taq k'achelaj, man ronojel taq kich'ojb'al le kajwax ni chke re si'. Keje ile ike kkesaj na li ub'itaq ke i jub'an chi xkesaj li ub'itaq ke ike nab'e, xaq kekesaj nu b'i jub'an chi xekesaj b'i ike nab'e. Yin in Ajwal, xinb'ij.

Salmos 137:8

¡Yet Babilonia, lik kchupsax ni awach! ¡Utz re ire chi ku'an ni uk'exel chawe rumal i xa'an chqe yoj!

Salmos 68:3

Xwiri i je utz laj taq winaq kekikotik, lik kekikot chwach i Ajwal, ¡Lik ke'el chikaj rumal kikotemal!

ISAÍAS 10:6

Kintaq b'i chu'anik ch'oj chrij jun tinimit chi lik itzel laj taq winaq je o che, chrij jun nim laj tinimit chi k'ax kch'aw chwij, man krel-aj ni ub'itaq ke xaq kumaj ni kib'eyomal chke, man keuya'ya ni che aqan pacha xo'ol pa taq b'e.

Ester 9:18

I aj Israel chi je o chila pa tinimit Susa, xaq xkimol kib' che i ij oxlajuj xaq che kajlajuj ij, rumali chi k'ate xe'uxlan che i ij jo'lajuj, xaq ike le xkiyijb'a jalajuj taq ti'b'alil ru' jun nim laj kikotemal.