Ester 6:12 - Wuj Pa K'ubultzij

¹² Are xutzin i malkatik che i k'ijib'al nim re i tinimit, are uri ma Mardoqueo x-e chik pa kulem xol uchija re i nim laj rachoch i ajawinel. I ma Amán lik kb'isonik x-e pa'anem chi rachoch xaq xuch'uq b'i upalaj ru' jun k'ul.

Ester 6:12 Referans Kwoze

2 Samuel 15:30

I ma David lik ko'ik xpaqi b'i che i jyub' Olivos, nti uxajab' ukojom xaq uch'uqum b'i ujolom ru' jun k'ul k'utb'al re chi o pa b'is. Xaq keje i winaq chi kachnimam ke'o'ik xe'el b'ik xaq kich'uqum b'i kijolom.

Job 20:5

I ukikotemal i utz ti laj winaq lik knajtin taj, lik juntir kk'isik.

1 Reyes 21:4

Are uri ma Acab kb'isonik xaq petnaq roywal, x-e chi rachoch rumal ile chi xb'ix che rumal ma Nabot, chi kya' ti ulew che, man i ulew le kuxtab'al kan ke uqajaw uchuch. Are xupon chi rachoch, x-e pa kotz'olem chwi uch'at, xxoti b'i xe xan, xaq xraj ti wa'im.

Job 9:24

Keuya i winaq pki'ab' i itzel laj taq winaq, xaq kutz'apij kib'a'wach i aj-atol tzij chke. ¿Pachin uri k-anaw ile, we are ti Dios?

Ester 7:8

Chrijil chik ile, i ajawinel xtzalij chik chila ipa xkitij wi kiwa, are uri xrilo chi ma Amán xukul chuxukut i tz'alam ipa kotz'ol wi ati ajawinel, are uri xsik'in chub'ixkil i tziji: —¿Xatab'a kawaj uqajsaxik u'ij ati ajawinel chi wachoch, xaq lik chinwach? I ajawinel are xuk'is ub'ixkil i tzij le, jujun chke i ajpatanib' chi kkichajij i ajawinel, xkich'uq upalaj ma Amán ru' jun k'ul. Are uri ma Harbona chi are jun chke achiyab' le, xub'ij: —I ma Amán uyijb'am jun jitz'b'al chila chi rachoch chi o kajlajuj xik'ab' che unajtil rij, chi xutaq uyijb'axik kamsab'al re ma Mardoqueo, chi are jun achi chi xuya utzijol chawe wach kak'ulmaj te'eq, Nim laj Winaq. Are uri i ajawinel xuya i taqaniki: —¡Chik'ama b'i ma Amán xaq chila chitzayb'a anoq!

Ester 2:19

Che taq i ij chi kek'am b'i altom che jun chik upam ja chila pa nim laj rachoch i ajawinel ke ixoqib', ma Mardoqueo kul xol uchija che i nim laj rachoch i ajawinel.

SEGUNDO LIBRO DE CR%D3NICAS 26:20

I ma Azarías, chi atz laj ajsujul sipon, xaq i jub'an chik i ajsujul sipon xkik'am utaqexik, are uri xkilo chi o yob'il che tz'umalil chupalaj, rumali chi xkesaj la li chila xaq ire lik xub'is la li elik, man i Ajwal xuya i tojb'alil le che.

1 Reyes 20:43

Are uri i ajawinel ma Acab x-e pa tinimit Samaria, kb'isonik xaq petnaq roywal, are xuponik xumin rib' pa nim laj rachoch.

2 Samuel 17:23

I ma Ahitofel are xrilo chi x-ani taj pacha xub'ij, xuwiq b'i u'axna xaq x-e chi rachoch chila pa tinimit ipa xalax wi, chrijil chik uyijb'axik ronojel ni'pa i jalajuj taq b'iroxik ke i ralk'uwal, xujitz'aj rib'. Keje ukamik uri ma Ahitofel ile, xaq xmuq chila ipa muqtal wi uqajaw.

1 Samuel 3:15

Chrijil chik ile, a Samuel x-e pa waram; k'a xsaqirik chukab' ij xwalijik, are uri xujaq uchija re i rachoch i Ajwal. Xwiri a Samuel kuxij rib' chub'ixkil che ma Elí wach xub'ij i Dios che.

Ester 6:11

Are uri ma Amán xeuk'ama i k'ul chi naj raqan xaq i kaway chi re i ajawinel, xukoj che ma Mardoqueo, xu'ansaj chrij i kaway, te'uri xumalkatsaj che i k'ijib'al nim re i tinimit, ksik'in chub'ixkil i tziji: “¡Keje ukojik u'ij i achi iri k-anik chi yatal u'ij rumal i ajawinel!”

1 Reyes 21:6

I ma Acab xub'ij che i rixoqil: —Xinb'ij che ma Nabot, chi aj Jezreel, chi kuk'ayij rulew chwe o we ntaj kinya jun chik ulew puk'exel, man keje ile kutik u-uva chwach; xwiri ire xub'ij chwe chi lik kuya taj.