Ester 6:11 - Wuj Pa K'ubultzij

¹¹ Are uri ma Amán xeuk'ama i k'ul chi naj raqan xaq i kaway chi re i ajawinel, xukoj che ma Mardoqueo, xu'ansaj chrij i kaway, te'uri xumalkatsaj che i k'ijib'al nim re i tinimit, ksik'in chub'ixkil i tziji: “¡Keje ukojik u'ij i achi iri k-anik chi yatal u'ij rumal i ajawinel!”

Ester 6:11 Referans Kwoze

Lucas 1:52

Ire resam i nimaq taq ajawinelab' pa kikub'ib'al chi o u'ij; i ni'pa i nti ki'ij, ire xuya ki'ij.

Apocalipsis 3:9

Chita pe', yin kin-an ni chke i jutzob'aj re Itzel chi je o chixol yix. Chi kkib'ij chi je re i Dios, xwiri je re taj; xa je ajt'oronel, rumali kin-an ni chke chi kexuki ni chiwach yix. Keje ile, kketamaj na chi yin k'ax kixinna'o.

ISAÍAS 60:14

I je kak'al i winaq chi xki'an k'ax chawe, lik qajnaq ki'ij kek'un ni chawach, xaq konojel ni'pa xkik'aq b'i a'ij kexuki ni chawach xaq kkib'ij ni chawe: “Nim laj Tinimit re i Ajwal”. “Tinimit Sion re i Lo'laj Dios ke aj Israel”.

Ester 9:3

Konojel i aj-atol tzij re i jalajuj taq tinimit, aj-ok'al utzam i jalajuj taq tinimit chi lik nimaq xaq pa taq komon xaq jub'an chik chi lik nimaq kipatan, xekito aj Israel rumal kixib'rikil che ma Mardoqueo.

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

Esdras 6:13

Are uri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il xki'ano chrij pacha i taqanik chi xuya ma Darío chi ajawinel.

Ester 6:10

Are uri i ajawinel xub'ij che ma Amán: —Chab'isoji', chak'ama i k'ul xaq i kaway re i ajawinel, cha'ana chrij pacha i xab'ij, cha'ana ile che ma Mardoqueo, chi kul chila xol uchija re i nim laj rachoch i ajawinel. Lik cha'ana ronojel ni'pa i xab'ij le.

Ester 6:12

Are xutzin i malkatik che i k'ijib'al nim re i tinimit, are uri ma Mardoqueo x-e chik pa kulem xol uchija re i nim laj rachoch i ajawinel. I ma Amán lik kb'isonik x-e pa'anem chi rachoch xaq xuch'uq b'i upalaj ru' jun k'ul.

Proverbios 27:18

I jun chi kuchajij uche'lal higo kutij ni uri uwach, xaq i jun chi kuchajij ub'itaq re i rajaw uchak koksax ni uri u'ij.