Ester 6:10 - Wuj Pa K'ubultzij

¹⁰ Are uri i ajawinel xub'ij che ma Amán: —Chab'isoji', chak'ama i k'ul xaq i kaway re i ajawinel, cha'ana chrij pacha i xab'ij, cha'ana ile che ma Mardoqueo, chi kul chila xol uchija re i nim laj rachoch i ajawinel. Lik cha'ana ronojel ni'pa i xab'ij le.

Ester 6:10 Referans Kwoze

Apocalipsis 18:7

Chiya pa tojpen xaq pa k'ax pacha u'anik nim che rib' xaq usachik uwach. I tinimit le, keje pacha jun ixoq chi kub'ij puk'ux: Inkul chi, in pacha jun nim laj ati ajawinel; yin in malkan taj, xaq lik kintij ti uyej; xcha.

Lucas 14:11

Man pachin jun ku'an nim che rib', xa kqajsax ni u'ij; xwiri pachin k-on ch'utin che rib', knimarsax ni uri u'ij —xcha i Jesús chke.

Daniel 4:37

Rumali wo'or, yin, ma Nabucodonosor, kinb'ixaj, kinkoj u'ij xaq kinb'ij uchomal i ajawinel re chikaj, man ronojel ni'pa i ku'ano lik saqil xaq suk'ulik, xaq kuqajsaj ki'ij i jub'an chi kkikoj ki'ij.

2 Reyes 10:10

Chiwetamaj chi ronojel ni'pa xub'ij i Ajwal chkij i ralk'uwal ma Acab, lik x-antaj na. Are i Ajwal x-anaw ronojel ile chrij pacha xub'ij i ma Elías chi rajpatan.

Ester 6:9

Chrijil chik ile chya' ni i k'ul xaq i kaway che jun achi chi lik atz u'ij chkixol rajpatanib' i ajawinel, man are ire kukoj i k'ul le che achi chi koksax ni u'ij rumal i ajawinel, xaq kuk'am nu b'i rij kaway kub'insaj che i k'ijib'al nim re i tinimit, xaq knab'ej nu b'i chwach i ksik'in chub'ixkil i tziji: “¡Keje ukojik u'ij i achi iri k-anik, chi yatal u'ij rumal i ajawinel!”

Ester 6:11

Are uri ma Amán xeuk'ama i k'ul chi naj raqan xaq i kaway chi re i ajawinel, xukoj che ma Mardoqueo, xu'ansaj chrij i kaway, te'uri xumalkatsaj che i k'ijib'al nim re i tinimit, ksik'in chub'ixkil i tziji: “¡Keje ukojik u'ij i achi iri k-anik chi yatal u'ij rumal i ajawinel!”

Salmos 31:24

Chkikowij kik'ux konojel ni'pa kiya'om kik'ux che i Ajwal.