Ester 5:14 - Wuj Pa K'ubultzij

¹⁴ Are uri ati Zeres chi rixoqil xaq konojel i ramiy, xkib'ij che: —Chataqa uyijb'axik jun jitz'b'al re chi kaya kajlajuj xik'ab' unajtil rij, te'uri chweq we' tan, chab'ija che i ajawinel chi chkitzayb'a an ma Mardoqueo che. Keje ile are kat-e pa wa'im ru' i ajawinel lik nti katk'achir che —xecha. I ch'ob'onik le lik utz xuta ma Amán, rumali chi xutaq uyijb'axik i jitz'b'al.

Ester 5:14 Referans Kwoze

Ester 6:4

Che i or le xok b'i ma Amán che i k'ijib'al chwach i rachoch i ajawinel, man kub'ij che chi chtzayb'ax ma Mardoqueo che jun jitz'b'al chi utaqom uyijb'axik. I ajawinel xutz'onoj: —¿Pachin o chwaja?

Salmos 37:32

I utz ti laj winaq kuk'ak'alij i utz laj winaq, man kraj ukamsaxik.

Salmos 37:14

I itzel laj taq winaq kkesaj li kich'ich' chi o uware k'ulala xaq ko kkirumij kich'ab' tzaqsab'al ke i nib'a'ib' xaq i utz kik'ux; kamsab'al ke ni'pa i utz kik'aslemal.

1 Reyes 21:7

Are uri i rixoqil, chi ati Jezabel, xub'ij che: —¡Yet at ajawinel puwi Israel! Jat, chatija awa, matb'ison chik, man yin kinya ni utikonb'al uva i ma Nabot le chawe.

Apocalipsis 11:10

Ni'pa i je re uwach i jyub' ta'aj lik kekikot na rumal kikamik i keb' le. Rumal i kikikotemal kkiya kisipon chkiwach, man i winaq re uwach i jyub' ta'aj lik xek'achir ni kumal i keb' profeta le.

Romanos 3:15

Lik sik'aj i kaqan che i b'e re keki'ana i kamik;

Romanos 1:32

Ike keta'am wach ub'im i Dios chi ku'an na: Ire ub'im chi ni'pa i ke'anaw keje ile, kmajaw chke chi kekamik. Xwiri ike b'i ke che ile, man k'a ketijin chu'anik. Xwi ta la ile, xaq kekikotik we o jub'an chik keje kki'an ile.

Proverbios 4:16

Man ike le lik utz ti je olik we kki'an ti i utz taj, xaq lik kok ti kiwaram we kkitzaqsaj ti jun chupam i utz taj.

Proverbios 1:18

I winaq le lik xa tzaqsab'al ke ike kkiyijb'a xaq xa kkiya kik'aslemal chwach i kamik.

Salmos 9:15

I je aj-anol i utz taj ketzaq ni chupam kitzaqsab'al ike; i kaqan kech'api ni kan chupam i tzaqsab'al le, chi lik je are ike je anawnaq.

1 Reyes 21:25

Lik nti jun chik pacha ma Acab chi xtaq rumal rixoqil ati Jezabel chu'anik lik xwi i utz taj chwach i Ajwal Dios.

2 Samuel 16:21

Are uri ma Ahitofel xub'ij che ma Absalón: —Chamina awib' ku' i je qas ti mer rixoqil aqajaw chi xeukanaj kan chuchajixik i nim laj ja re i ajawinel. Man keje ile konojel i winaq aj Israel kketamaj na chi lik ktitat apam che aqajaw xaq keje ile, i winaq chi kiya'om kiwach awu', ru' ronojel kik'ux katkito na.