Ester 3:8 - Wuj Pa K'ubultzij

⁸ Are uri xub'ij ma Amán che i ajawinel ma Asuero: —Chkixol konojel i tinimit chi kat-ajawin yet puwi, Nim laj Winaq, o jun tinimit chi ki'anom kib' chke jub'an chik, o ki'atb'al tzij junwi chwach jub'an chik tinimit, ike le kekojon ti che ataqanik yet, Nim laj Winaq. Rumali kmajaw taj chi kejeqi chkixol i tinimit chi kat-ajawin yet pkiwi.

Ester 3:8 Referans Kwoze

Deuteronomio 4:27

I Ajwal kixukichersaj nu b'i chkixol i jalajuj taq tinimit, xa jujun chiwe kekanaj ni pa taq tinimit le.

LEVÍTICO 26:33

Kixinkichersaj nu b'i chkixol i jalajuj taq tinimit, xaq ru' ch'ich' kixwoqtaj na, ronojel ulew re i tinimit kkanaj na pacha jun tz'inilik jyub' chaqij xaq ni'pa taq itinimit ksach ni uri uwach.

Santiágo 1:1

Yin in ma Santiago kintz'ib'aj i wuji; in rajchak i Dios xaq i Ajwal Jesucristo. Kinya rutzil iwach ix kab'lajuj tzob'ajil aj Israel winaq chi ix kichernaq b'i chwach ronojel i jyub' ta'aj.

Hechos 28:22

Yoj kqaj kqata wach kach'ob' yet, man qeta'am chi xaipa, i winaq k'ax kech'aw chrij i tzob'aj chi kiya'om kiwach ru' i k'ak' k'utunik le; xecha.

Hechos 24:5

I achi le lik xa ch'oj kutzukuj chqaxol, lik chwach ronojel i jyub' ta'aj, ktijin chpetsaxik ch'oj chkixol aj Judío xaq are ire ajk'amol utzam chke i jutzob'aj winaq chi “aj nazareno”.

Juan 7:35

I aj Judío xkijeq utz'onoxik chkiwach: —¿Ipa taq k-e wi Ire le, chi kqariq taj? ¿Xatab'a k-e ku' qach aj tinimit chi je enaq chkixol i aj Griego winaq, moqxa keuk'utu chke aj Griego winaq chila?

ZACARÍAS 7:14

Rumali xeinkichersaj b'i pa nimaq taq tinimit chi ike keta'am ti kiwach pacha jun kaqsut tew, chkij kan ike xkanaj i tinimit tz'inilik chi lik mijun winaq kjeqi chik chwach. ¡Jun chom laj tinimit, xwiri ike xki'an kan tz'inilik jyub' chaqij che!”

Ezequiel 11:16

Rumali chab'ij chke: Iri are kub'ij i Ajwal: Yin xewesaj b'i pa cho'ab' chwach kulew xaq xeinkichersaj b'i kiwach pa nimaq taq tinimit, chkixol i nimaq taq tinimit chi etamam ti kiwach, xwiri k'iyal ij ti uwach. Wo'or yin lik in keje pacha jun lo'laj k'ijib'al chke ike ipa je o wi pa taq tinimit.

Ezequiel 6:8

Xwiri Yin kin-an na chi jujun chiwe yix kixtotaj ni chwach i kamik xaq kixk'asi na, chi ix kichersam b'i pa nimaq taq tinimit.

JEREMÍAS 50:17

I tinimit Israel keje pacha jun ral chij sachnaq, chi kiterb'em b'i koj. Nab'e xutij b'i ma ajawinel re Asiria; te'uri i ma Nabucodonosor chi ajawinel re Babilonia, xumutma ub'aqil.

NEHEMÍAS 1:8

Chk'un chak'ux chi xasaqij che ma Moisés chi we yoj kojmakunik, kojakichersaj uri chwach ronojel uwach i jyub' ta'aj;

Deuteronomio 32:26

Yin lik inch'ob'om te'eq keinkichersaj b'ik xaq kinchup kiwach chwach i jyub' ta'aj.

Deuteronomio 30:3

are uri Iwajwal Dios kujalwachij ik'aslemal, kresaj i utz taj, kuya i utz puk'exel xaq kril ni tob'al iwach; xaq kumol chik ichi' che i tinimit ipa xixresaj wi b'i te'eq.

1 Pédro 1:1

Yin in a Pedro, in apóstol re i Jesucristo kintz'ib'aj i wuji chiwe yix chi naj ix o wi che itinimit. Ix kichernaq b'i pa ulew Ponto, pa ulew Galacia, pa ulew Capadocia, xaq pa Asia, xaq k'a pa Bitinia.

Ester 3:9

Rumali we kumaj awach yet, Nim laj Winaq, chaya uri jun taqanik chi kub'ij chi kchup ni kiwach konojel; yin kinya ni oxwinaq wajxaqlajujmo' (7,260) tintal saq-o'oj chila ipa o wi ub'eyomal i ajawinel.

Ester 4:1

I ma Mardoqueo are xretamaj ronojel ni'pa ktijin uk'ulmaxik, xuraqch'ij u'u' k'utb'al re chi o pa b'is, xukoj u'u as, xukoj chaj puwi ujolom, xaq ru' jun nim laj b'is puk'ux, xujeq sik'inik pa taq b'e.

JEREMÍAS 33:24

“¿Atom ti b'ari wach kkib'ij i winaq, chi Yin inxutum i keb' alk'uwal chi Yin je in-ulum te'eq aj Israel xaq i aj Judá? ¡Rumali kkiyo'ya intinimit xaq kkich'ob' ti chik chi ile lik jun nim laj tinimit!

Daniel 3:8

Jujun chke aj Caldea lik xkiriq u'anik che i ij le, re xkikoj kimak aj Judío chwach i ajawinel ma Nabucodonosor,

Daniel 6:13

Are uri ike xkijeq chik ub'ixkil: —Xwi a Daniel, jun chke i aj Judá chi je elsam li che kitinimit, lik kkojon ti chawe, Nim laj Winaq, man ku'an ti i taqanik chi elsam ub'ixkil, man qilom ku'an i oxmul ulapanik ru' u-Dios ij ij.

NÚMEROS 23:9

Lik k'a puwi i nimaq taq ab'aji kewil wi konojel i winaq le, xaq lik k'a puwi i nimaq taq jyub'i keintaqej konojel. Ile lik are jun tinimit chi u'anom rib', lik junwi chkiwach i jub'an chik tinimit.

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Daniel 6:14

Are xuta ile, i ajawinel lik xb'isonik, i xutzukuj usuk' wach tob'al re a Daniel ku'ano. K'a arewi xqaj i ij ire xutzukuj uto'ik a Daniel.