Ester 3:15 - Wuj Pa K'ubultzij

¹⁵ I ajjachol wuj le lik juntir xkijacho man keje utaqanik i ajawinel ile, i taqanik le xya' retamaxik chila pa tinimit Susa. Tz'aqat i ajawinel xaq ma Amán ketijin che ab'arik, konojel i winaq pa tinimit Susa keb'isonik.

Ester 3:15 Referans Kwoze

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

Juan 16:20

Lik saq laj tzij kinb'ij chiwe chi yix lik kixb'ison na xaq lik kixo' na, tz'aqat i winaq chi to' je re uwach i jyub' ta'aj kekikot na, xwiri tupu yix kixb'isonik, k-on panoq i b'is le kyiji ni che jun kikotemal.

Apocalipsis 11:10

Ni'pa i je re uwach i jyub' ta'aj lik kekikot na rumal kikamik i keb' le. Rumal i kikikotemal kkiya kisipon chkiwach, man i winaq re uwach i jyub' ta'aj lik xek'achir ni kumal i keb' profeta le.

AMÓS 6:6

kitu' i uwa'al uva muqb'am chupam nimaq taq tu'b'al, kikoj i kunb'al muy chiwij chi lik paqal rajil, ¡I lik nti kich'ob' che uyej chi kutij i tinimit!

Oseas 7:5

Che i ij are xoksax i koron che ujolom i qajawinel, i je aj-atzil xki'ab'arsaj ru' i uwa'al uva muqb'am. ¡Ire xuya u'ab' chke i jub'an chi keyo'yanik!

Proverbios 29:2

Are kek'iyar i je utz laj taq winaq i tinimit kkikot na; xwiri are ku'at tzij i utz ti laj winaq lik kkitij ni uyej i winaq.

Proverbios 4:16

Man ike le lik utz ti je olik we kki'an ti i utz taj, xaq lik kok ti kiwaram we kkitzaqsaj ti jun chupam i utz taj.

Proverbios 1:16

Man ike lik kkib'isoj u'anik i utz taj, ¡Xaq lik kek'achir chu'anik i kamik!

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

1 Reyes 14:27

Are uri i ma Roboam chi ajawinel, xu'an chik uk'exel i tob'al ib' re i ch'oj ru' i anch'ich', xuya kan pki'ab' i aj-atzil chke i ajchajinel chi kkichajij i okb'al che i nim laj rachoch i ajawinel.

GÉNESIS 37:25

Are x-antaj ile xekub'i chwa'im, xaqte'et xkil pan chinaj chi ktijin kik'unik jub'an winaq aj Ismael, je petnaq k'a Galaad lik keb'alk'at kikamey chuxe' i kunb'al muy, bálsamo xaq i mirra kkik'am b'i pa Egipto.

Ester 1:10

Che uwuq ij re i nima'ij, i ajawinel lik kkikotik rumal utu'ik i uwa'al uva muqb'am, xutaq b'i ma Mehumán, ma Bizta, ma Harbona, ma Bigta, ma Abagta, ma Zetar xaq ma Carcas, wuqub' achiyab' chi xelsax kikowil chke,

Salmos 37:7

Matk'achir chwach i Ajwal, chawoy-ej na chi Ire katuto; mpe awoywal chke ni'pa i ke'el chisaq xaq mpe awoywal chke ni'pa kkich'ob' u'anik i utz taj.

Proverbios 31:4

Ma Lemuel, lik utz taj chi ajawinelab' xaq i je atol taq tzij kkitu' i uwa'al uva muqb'am xaq i jub'an chik ya re ab'arik.