Ester 3:13 - Wuj Pa K'ubultzij

¹³ Chrijil chik ile, xtaq b'i chke ajk'amol b'i wuj man kkijach pa jalajuj taq tinimit ipa ku'at wi tzij i ajawinel ma Asuero. Chupam i wuj le ktaq uchupik kiwach konojel aj Israel, che jun chi ij konojel aj Israel, alab'om, rijab', ak'alab' xaq ixoqib', xaq kk'am ronojel ub'itaq ke. I ij ch'iktalik are i ij oxlajuj re i kab'lajuj ik', ile are ik' chi Adar ub'i.

Ester 3:13 Referans Kwoze

Ester 9:10

ike le je are uk'ojol ma Amán chi ajch'oj chkij aj Israel; xwiri xkik'am ti ub'itaq ke chke.

SEGUNDO LIBRO DE CR%D3NICAS 30:6

Keje uri ile, chi xe'e i je ajb'il tzij pa jalajuj taq tinimit Israel xaq pa jalajuj taq tinimit Judá kok'am b'i i wuj re i ajawinel xaq ke i rajpatanib', man kkib'ij i taqanik re i ajawinel, chi keje iri kub'ij: “Ix aj Israel: Chixkojon chik che i Ajwal, chi ki-Dios ma Abraham, ma Isaac xaq ma Israel; man keje ile ire kk'iji chik chixol yix chi xix-anmaj pki'ab' i ajawinelab' aj Siria.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

Santiágo 2:13

Man i Dios lik kril ti tob'al kiwach i winaq we kilom ti tob'al kiwach i kachi'il. Xwiri, we yoj qilom tob'al kiwach i winaq, i Dios kril uri tob'al qawach yoj are ku'an i atb'al tzij pqawi.

Romanos 3:15

Lik sik'aj i kaqan che i b'e re keki'ana i kamik;

JEREMÍAS 51:31

Lik kiterb'em kib' i ajb'il tzijonik tzij chub'ixkil che i ajawinel re Babilonia, chi utinimit lik ronojel xch'akik.

ISAÍAS 10:6

Kintaq b'i chu'anik ch'oj chrij jun tinimit chi lik itzel laj taq winaq je o che, chrij jun nim laj tinimit chi k'ax kch'aw chwij, man krel-aj ni ub'itaq ke xaq kumaj ni kib'eyomal chke, man keuya'ya ni che aqan pacha xo'ol pa taq b'e.

Job 9:25

I ij re ink'aslemal lik juntir kik'awik pacha jun urep ray; lik xril tu b'i i kikotemal.

Ester 7:4

man yin xaq konojel inwinaq oj k'ayim che i kamik, man keje ile qonojel kchupsax ni qawach. Wetene to' oj k'ayim re kki'an taq winaq chqe chi oj o pa k'ax pu'ab' i rajaw qachak, yin nti neri kinb'ij; man i ajch'oj chqij nti neri jun k'ax ku'an che ni'pa i kawaj u'anik yet nim laj winaq.

1 Samuel 22:19

Chrijil chik ile x-e pa Nob chi are kitinimit i je ajsujul sipon, ru' i ch'ich' chi o uware k'ulala xeukamsaj achiyab', ixoqib', ak'alab' xaq xeukamsaj ne ral taq ak'alab' chi k'ate je alaxnaq xaq xeukamsaj i b'oyexab', axna xaq i chij.

Ester 8:5

xub'ij che i ajawinel: —We yet nim laj winaq kumaj awach xaq we kakojo chi ni'pa kinb'ij le lik utz, xaq we lik saq laj tzij k'ax kinana'o i we nim rutzil ak'ux chwe, chtz'ib'ax ni uri jun taqanik chi kusachsaj uwach ronojel i atb'al tzij chi xuya kan ma Amán chi kuchupsaj kiwach konojel aj Israel chi je jeqel pa taq tinimit ipa kat-ajawin wi yet.

Ester 9:1

Che i ij oxlajuj re kab'lajuj ik', ile are i ik' chi Adar ub'i, are i ij chi ch'iktalik, man k-ani ronojel i taqanik chi xuya i ajawinel, xaq are i ij le chi i je ajch'oj chkij aj Israel kich'ob'om kich'akik. Xwiri xuk'ulmaj ti ile, man are aj Israel xech'akanik.

Ester 9:5

Aj Israel xekikamsaj i ajch'oj chkij ru' ch'ich' chi o uware k'ulala xaq xki'an chke pacha xkaj ike.