Ester 2:23 - Wuj Pa K'ubultzij

²³ I tzij le xk'ami upam, are xketamaj chi ile lik qatzij, i keb' aj-atzil le x-at tzij pkiwi chi kejitz'axik. I anik le, lik chwach i ajawinel, xtz'ib'ax chupam i wuj, ipa tz'ib'tal wi ronojel ni'pa kk'ulmax pa tinimit.

Ester 2:23 Referans Kwoze

Ester 10:2

Ronojel ni'pa xu'an ma Asuero are xnimar u'ij, are xnimar rajawinik, xaq are xunimarsaj upatan ma Mardoqueo, lik tz'ib'tal chupam i wuj ipa ktz'ib'ax wi ronojel ni'pa kk'ulmax pa taq tinimit Persia xaq Media.

GÉNESIS 40:22

Xwiri i ajya'ol kaxlanwa xtaq ujitz'axik pacha xsaqix che rumal a José.

GÉNESIS 40:19

Pa oxib' ij panoq i ma faraón k-on ni atb'al tzij chawe are uri kutaq ni atzayb'axik che jun che', te'uri i tz'ikin kkitij nu b'i ati'lal —xcha.

MALAQUÍAS 3:16

I jub'an chi kkikoj u'ij i Ajwal xelapan chkiwach, i Ajwal lik utz utatb'exik xu'an chke wach kkilapo. I lik chwach i Ajwal xtz'ib'ax jun wuj, chi xkoj kib'i i jub'an chupam kuxtab'al ke, man lik kkikoj u'ij i Ajwal xaq lik kkikuxtaj ub'i.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Ester 5:14

Are uri ati Zeres chi rixoqil xaq konojel i ramiy, xkib'ij che: —Chataqa uyijb'axik jun jitz'b'al re chi kaya kajlajuj xik'ab' unajtil rij, te'uri chweq we' tan, chab'ija che i ajawinel chi chkitzayb'a an ma Mardoqueo che. Keje ile are kat-e pa wa'im ru' i ajawinel lik nti katk'achir che —xecha. I ch'ob'onik le lik utz xuta ma Amán, rumali chi xutaq uyijb'axik i jitz'b'al.

JOSUÉ 8:29

Xaq xutaq ujitz'axik i ajawinel re i tinimit Hai che u'ab' jun che', xaq xub'ij chi ktzayb'ax ni kan uch'akul chila k'a kqaj ij. Are xtzaq b'i ij te'uri xutaq uqajsaxik, xkik'aq uch'akul i ajawinel pa okb'al re i tinimit xaq xkit'ub'a jub'an ab'aj puwi, chi xaq k'a o chila wo'or.

Ester 6:1

Xaq lik che a'ab' le, i ajawinel ma Asuero lik kok ta li uwaram, rumali xutaq uk'amik i nim laj wuj chi tz'ib'tal chupam ronojel ni'pa k-ani pa tinimit, man kajlax chuxikin.

Esdras 4:15

man ktzukux chupam wuj ke i ajawinelab' chi je ik'awnaq nab'e chawach yet, keje ile kawetamaj ni i tinimit le, lik itzel laj tinimit chke i ajawinelab' xaq chke i jub'an chik tinimit, man ike le kimolom chik kib' juyak chu'anik ch'oj chrij i ajawinel, rumali chi xchupsax kiwach.