Ester 2:21 - Wuj Pa K'ubultzij

²¹ Tz'aqat kul ma Mardoqueo xol uchija re i nim laj rachoch i ajawinel, xuta chi ma Bigtán xaq ma Teres, je keb' aj-atzil chke i kechajiw i okb'al che i nim laj rachoch i ajawinel, ketijin che i lapanik. Ike lik petnaq koywal xaq ketijin chuch'ob'ik wach ukamsaxik i ajawinel ma Asuero kki'ano.

Ester 2:21 Referans Kwoze

Ester 6:2

Chupam i wuj le xriqtaj wi chi ma Mardoqueo xretamaj xaq xuya utzijol chi ma Bigtán xaq ma Teres, aj-atzil chke i kechajiw i okb'al che i rachoch i ajawinel, kkaj ukamsaxik i ajawinel ma Asuero.

Salmos 144:10

Yet, chi kaya i ch'akanik chke i ajawinelab', Yet, chi xaq xawesaj awajpatan ma David chwach i kamik. Chinawesaj chwach i ch'ich' chi o uware k'ulala. Chinawesaj pki'ab' i winaq chi weta'am ti kiwach, xaq ni'pa i ke t'oronik, xaq ni'pa kkiyak ki'ab' wiqab'im chikaj chub'ixkil i tzij chwij chi qatzij taj.

2 Reyes 21:23

I je rajpatan ma Amón, xkijeq u'anik ch'oj chrij ire xaq xkikamsaj chila che i nim laj rachoch i ajawinel.

2 Reyes 12:20

Are i je rajpatanib' xe'anaw che ronojel, man are ike xech'ob'owik wach taq ukamsaxik kki'an che. Xkikamsaj chila chupam i nim laj ja Milo, chi o pa xulanik che i tinimit Sila.

1 Reyes 16:9

Xwiri ma Zimri, chi aj-atzil puwi nik'aj chke i ch'ich' re anb'al ch'oj, xuwalijsaj jun ch'oj chrij ma Ela. Xuk'ulmaj jun ij, chi ma Ela le xu'an jun nim laj ab'arik chila pa tinimit Tirsa, prachoch i raj-atzil chi rachoch i ajawinel chi ma Arsa ub'i.

2 Samuel 16:11

Te'uri xub'ij che ma Abisai xaq chke konojel i rajpatan: —Lik wak'al neri kraj relsaxik ink'aslemal, ¡Etelechiki jun chke utzob'ajil ma Benjamín! ¡Chiya ni che chi kinuk'oqoj, man moq are i Ajwal taqawnaq che!

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Ester 2:19

Che taq i ij chi kek'am b'i altom che jun chik upam ja chila pa nim laj rachoch i ajawinel ke ixoqib', ma Mardoqueo kul xol uchija che i nim laj rachoch i ajawinel.

Daniel 2:49

Tz'onb'enik re a Daniel che i ajawinel chi kuya chke a Sadrac, a Mesac xaq i a Abed-nego jun kik'ijib'al chi lik o u'ij chi are i ke je o puwi i ulew re tinimit Babilonia. I a Daniel xkanaj chila pa ku'at wi tzij i ajawinel.

Ester 6:1

Xaq lik che a'ab' le, i ajawinel ma Asuero lik kok ta li uwaram, rumali xutaq uk'amik i nim laj wuj chi tz'ib'tal chupam ronojel ni'pa k-ani pa tinimit, man kajlax chuxikin.