Ester 2:15 - Wuj Pa K'ubultzij

¹⁵ I al Ester, chi umi'al ma Abihail, chi rikan ma Mardoqueo, are xuriq i ij chi kuk'utu rib' chwach i ajawinel, xwi xuk'am b'i rajwaxik chi xb'ix che rumal ma Hegai, chi elsam ukowil che xaq are ire le chajinel ke ixoqib'. I al Ester le xtiki chuch'akik chi k'ax xna' kumal i winaq chi keilawik.

Ester 2:15 Referans Kwoze

Cantares 6:9

Xwiri ral inpalomax chi lik chom xaq lik ch'am xa jun olik; lik xa jun i ralit ixoq chi lik mas k'ax kuna chkiwach i jub'an chik. Are k-iltaj kumal altom lik kkiya ukikotemal, i altom ajawinelab' xaq i je qas ti mer wixoqil kkikoj u'ij.

Ester 2:3

I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Hechos 7:10

man xresaj pa jalajuj taq k'ax chi xutijo. Xuya unojb'al xaq xuya u'ij, rumali i ma faraón chi ajawinel re Egipto xuya ma José pa aj-ok'al utzam i jalajuj taq tinimit re Egipto xaq pa nim laj rachoch i ajawinel le.

Ester 9:29

Ati ajawinel Ester, chi umi'al ma Abihail, xaq ma Mardoqueo, chi aj Israel, xkitz'ib'aj chik jun wuj chi kub'ij chi i nima'ij re Purim kki'an ni che jun ij ch'iktalik chrij pacha i nab'e mul chi xki'ano,

Cantares 8:10

Yin in keje pacha i tapial xaq intz'um keje pacha i tak'taq ja. Rumali inriqom chik kikotemal chwach ire.

Ester 2:14

I altom le are kuriq i ij chi ch'iktalik, jujunal ke'e chwach i ajawinel kqaj i ij, are ksaqir chukab' ij ke'e che jun chik upam i nim laj ja ke ixoqib' chi o chuqul ma Saasgaz, chi elsam ukowil, xaq are ire keuchajij i qas ti mer je rixoqil i ajawinel; chrijil chik ile, i altom le keupon ti chik chwach i ajawinel, xwi i jun chi lik qus xril i ajawinel, are ile kutaq chik uk'amik.

Ester 2:16

I al Ester xk'am b'i pa nim laj rachoch i ajawinel ma Asuero, man kuk'utu rib' chwach che i lajuj ik', chi xaq Tebet ub'i, are o chik uwuq junab' che rajawinik.

Ester 8:1

Che i ij le, ma Asuero chi ajawinel xusipaj i ja che ati ajawinel Ester, chi rachoch kan ma Amán, chi ajch'oj chkij aj Israel; xaq che i ij le ma Mardoqueo xupon chwach i ajawinel, man ati Ester ub'im chik che, chi ma Mardoqueo le uxib'al pa tzij.

Proverbios 15:33

I u'anik i utz chwach i Ajwal are kyaw i nojb'al; we kawaj o a'ij chkiwach i winaq, rajwaxik uri ka'an ajaj laj winaq che awib'.