Ester 2:14 - Wuj Pa K'ubultzij

¹⁴ I altom le are kuriq i ij chi ch'iktalik, jujunal ke'e chwach i ajawinel kqaj i ij, are ksaqir chukab' ij ke'e che jun chik upam i nim laj ja ke ixoqib' chi o chuqul ma Saasgaz, chi elsam ukowil, xaq are ire keuchajij i qas ti mer je rixoqil i ajawinel; chrijil chik ile, i altom le keupon ti chik chwach i ajawinel, xwi i jun chi lik qus xril i ajawinel, are ile kutaq chik uk'amik.

Ester 2:14 Referans Kwoze

Ester 4:11

“Konojel ni'pa kki'an kipatan chrij i ajawinel xaq konojel i winaq chi je o pa jalajuj taq tinimit ipa ku'at wi tzij ire, keta'am chi o jun atb'al tzij chi kusaqij i kamik che jun achi xaq che jun ixoq chi to' kok b'i pa ja chila pa nim laj rachoch i ajawinel chi kerila taq i sik'tal ti rumal ire, i winaq kkuytaj ni umak, kelsax ti uk'aslemal we i ajawinel kuyak an uch'amiy an-o'oj sik'b'al re i winaq le. Xwiri yin, jun ik' iri chi in sik'tal ti rumal i ajawinel.”

ISAÍAS 45:4

Rumal ilb'al tob'al uwach i wajpatan chi ma Jacob, xaq rumal ilb'al tob'al uwach i tinimit Israel chi in-ulum; at insik'im ru' ab'i xaq inya'om jun ab'i re yab'al a'ij, tupu yet aweta'am ti inwach.

ISAÍAS 43:1

Xwiri wo'or, ix aj Israel, chi ix utinimit ma Jacob, i Ajwal chi xat-anawik kub'ij: Maxij awib' man yin at inkirom, yin xatinsik'ij ru' ab'i, yet lik at we yin.

Deuteronomio 21:14

Xwiri we k-on panoq we kumaj ti chik uwach, utz uri chi kro'taj b'ik, xwiri kuk'ayij taj xaq ku'an ti che chi pacha winaq chi o pa k'ax pu'ab' i rajaw, man xuqajsaj u'ij.

GÉNESIS 34:19

I a Siquem le lik enaq uk'ux che umi'al ma Jacob rumali lik x-alab' ti chu'anik i circuncisión, man i a Siquem le lik are mas o u'ij chkixol i alk'uwal re uqajaw;

Ester 2:13

xaq kya' chke chi kkik'am b'i i wiqb'al kib' chila pa nim laj ja ke i ixoqib' k'a pa nim laj ja re i ajawinel, lik ronojel ni'pa i kkitz'onoj.

Ester 2:15

I al Ester, chi umi'al ma Abihail, chi rikan ma Mardoqueo, are xuriq i ij chi kuk'utu rib' chwach i ajawinel, xwi xuk'am b'i rajwaxik chi xb'ix che rumal ma Hegai, chi elsam ukowil che xaq are ire le chajinel ke ixoqib'. I al Ester le xtiki chuch'akik chi k'ax xna' kumal i winaq chi keilawik.