Ester 10:3 - Wuj Pa K'ubultzij

³ I ma Mardoqueo, chi aj Israel, lik xnimar u'ij man upatan ire lik pacha taq re i ajawinel; lik x-on nim u'ij chkixol aj Israel xaq lik k'ax xna' kumal uwinaq man ire lik xu'an i utz chke xaq xu'ano chi o uxlanb'al k'uxij chkixol.

Ester 10:3 Referans Kwoze

NEHEMÍAS 2:10

Xwiri, are xretamaj ma Sanbalat chi aj Horón xaq ma Tobías chi nim upatan chkixol aj Amón, lik xumaj ti kiwach man xupon jun chi kuch'ob' kito'ik aj Israel.

Romanos 14:18

We keje ile kojtijin chu'anik chwach i Cristo, i Dios kkikot uri qu', xaq i winaq, utz kojkilo.

Romanos 10:1

Ix, wachalal chwach i Cristo, i urayijb'al ink'ux xaq inlapanik ru' i Dios, are utz'onoxik che, pkiwi i wach aj Israel winaq man keje ile kkiriq ni i tob'al ke.

Daniel 5:29

Te'uri i ajawinel Belsasar xutaq ukojik u'u' a Daniel ru' i k'ul re kaqxar xaq kkikoj jun karena re an-o'oj chuqul, xaq xutaq ub'ixkil chke konojel, chi che i or le, a Daniel kya' ni urox k'ijib'al che re aj-ok'al utzam i ajawinik.

SEGUNDO LIBRO DE CR%D3NICAS 28:7

Xaq ma Zicri, chi are jun ajch'oj aj Efraín, xukamsaj ma Maasías, chi uk'ojol i ajawinel, ma Azricam, chi aj-atzil che i nim laj rachoch i ajawinel, xaq ma Elcana, chi are nab'e aj-atzil chke rajpatan i ajawinel.

GÉNESIS 41:40

Kkanaj ni i nim laj ja re i ajawinel pa'ab' xaq konojel i winaq kekojon ni chawe, xwi yin atz in-ij chawach yet man yin in ajawinel —xcha.

Daniel 5:16

Xwiri, intom kb'ixik chi yet kasaqij wach i ktataj ti ub'e xaq kattiki chusaqixik i k'ax ktay ub'e. We yet kattiki chrajlaxik i tzij le xaq kab'ij chwe wach ke'eloq kin-an ni chawe chi koksax a'u' kaqxar, koksax jun karena an-o'oj che aqul xaq katk'iji ni che urox k'ijib'al re inrajawinik.

Ester 3:2

Konojel ni'pa kki'an kipatan chrij i ajawinel pa nim laj rachoch, kexuki'ik xaq kiqajsaj kipalaj chwach ulew are kik'aw ma Amán, man keje utaqanik i ajawinel ile; xwiri ma Mardoqueo xuqel i taqanik le.

1 Samuel 23:17

Xub'ij che: —Matok il, man ma Saúl chi inqajaw, katuriq taj ipa at o wi. Yet kat-on ni ajawinel pa Israel, i yin in ukab' na chawij, iri lik reta'am ne chik inqajaw, chi ma Saúl.

Daniel 6:3

chi lik juntir x-iltajik chi junwi chkiwach i jub'an chik ajk'ak'alinel xaq aj-ok'al utzam i k'ijib'al rumal ronojel ni'pa ktiki chu'anik; rumali i ajawinel xuch'ob'o chi kuya chwach i rok'axik utzam i tinimit.

GÉNESIS 45:10

Man katjeqi ni chwach ulew Gosén, man i ulew le naqaj o wi chwe yin, katjeqi ni yet chila, awak'al, awi amam, achikop, achij, xaq konojel ni'pa je o awu'.

GÉNESIS 45:11

Yin kixintzuq ni waral, man k'a o chik jo'ob' junab' wa'jal, xwiri we kixpe taj lik kixkam uri iwonojel, yet, awalk'uwal xaq konojel ni'pa ub'itaq awe.”

1 Samuel 18:16

Xwiri konojel i winaq pa tinimit Israel xaq pa tinimit Judá lik kkaj a David, man are ire keok'awik are ke'el pa taq ch'oj.

Ester 2:5

Chila pa tinimit Susa, jeqel jun achi aj Israel chi ma Mardoqueo ub'i, chi uk'ojol ma Jair, chi umuq uxikin ma Simei xaq re ma Cis, chi re utzob'ajil ma Benjamín.