Ester 1:22 - Wuj Pa K'ubultzij

²² Xutaq b'i wuj pa jalajuj taq tinimit chi ku'at tzij pkiwi, tz'ib'tal pkich'ab'al chrij pacha kech'aw i jalajuj taq tinimit le. Tz'ib'tal b'i taqanik chupam chi ronojel k-antaj na chrij pacha i taqanik chi kkiya i achiyab' chi taq kachoch.

Ester 1:22 Referans Kwoze

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

1 Timotéo 2:12

Yin kinya ti chke ixoqib' chi kek'utun pa molb'al ib'; xaq kinya ti chke we are ike keok'aw utzam chke i achiyab'.

Lucas 16:8

I rajaw chak xretamaj chi utz ti laj umokom, lik o uno'oj chu'anik i wach i kuch'ob'o, are elsam chik che uchak. I winaq chi to' je re uwach i jyub' ta'aj, lik je sik'aj chutzukuxik wach i rajwaxik che i kik'aslemal. Mas je sik'aj chkiwach i je re i Dios.

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 3:29

Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”

Ester 1:21

I uch'ob'onik ma Memucán lik xumaj uwach i ajawinel xaq konojel ni'pa kepixb'awik, keje uri ile, chi ajawinel xu'an keje ile.