Ester 1:19 - Wuj Pa K'ubultzij

¹⁹ Rumali we kumaj awach yet, nim laj winaq, chaya ni retamaxik i taqanik xaq chtz'ib'ax ni chwach i wuj ipa tz'ib'tal wi ki'atb'al tzij aj Persia xaq aj Media, man keje ile, kelsax taj: “Ati Vasti chi ajawinel, lik mijuyak kupon chik chwach i ajawinel.” Xaq upatan chi ajawinel, chya' ni che jun chik ixoq chi lik kmajaw che.

Ester 1:19 Referans Kwoze

Ester 8:8

Wo'or kinya pi'ab' chi chitz'ib'aj chupam jun wuj ronojel ni'pa kumaj iwach xaq ni'pa rajwaxik chi k-anik tob'al ke aj Israel, ronojel ile ki'an pinb'i yin. ¡Te'uri chinak'a b'i uk'exwach i b'aq re uwi u'ab' i ajawinel che i wuj le chi kitz'ib'aj! (Mijun kuchup uwach jun wuj we juch'um uwach rumal i ajawinel xaq we nak'tal uk'exwach i b'aq re uwi u'ab' i ajawinel che.)

1 Samuel 15:28

Are uri ma Samuel xub'ij che ma Saúl: —Pacha xa'an yet le chi xaraqch'ij in-u', xaq keje ile ku'an i Ajwal chawe yet wo'or katresaj ni che ajawinik pkiwi aj Israel, xumaj chawe man kuya che jun awach aj tinimit chi lik utz uk'ux chawach yet.

Ester 8:5

xub'ij che i ajawinel: —We yet nim laj winaq kumaj awach xaq we kakojo chi ni'pa kinb'ij le lik utz, xaq we lik saq laj tzij k'ax kinana'o i we nim rutzil ak'ux chwe, chtz'ib'ax ni uri jun taqanik chi kusachsaj uwach ronojel i atb'al tzij chi xuya kan ma Amán chi kuchupsaj kiwach konojel aj Israel chi je jeqel pa taq tinimit ipa kat-ajawin wi yet.

Daniel 6:17

I a Daniel are o pa jul, xkik'am li jun ab'aj xkikoj puwi i jul tz'apb'al re, i ajawinel lik xunak' uk'exwach ub'aq re uwi u'ab' che, xaq ru' i kik'exwach i kib'aq re uwi ki'ab' i nimaq taq ajpatanib' re i atb'al tzij, man keje ile umak i ma Daniel chi xkitzukuj chrij lik k-antaj na pacha i tz'ib'tal chupam i atb'al tzij.

Ester 3:9

Rumali we kumaj awach yet, Nim laj Winaq, chaya uri jun taqanik chi kub'ij chi kchup ni kiwach konojel; yin kinya ni oxwinaq wajxaqlajujmo' (7,260) tintal saq-o'oj chila ipa o wi ub'eyomal i ajawinel.

1 Reyes 3:28

Konojel i winaq aj Israel xketamaj wach taq u'atik tzij xu'an i ajawinel chke i keb' ixoqib' le. Are uri lik xkiya u'ij man xkilo chi i Ajwal lik uya'om unojb'al chu'anik i atb'al tzij suk'ulik.

Ester 1:21

I uch'ob'onik ma Memucán lik xumaj uwach i ajawinel xaq konojel ni'pa kepixb'awik, keje uri ile, chi ajawinel xu'an keje ile.

Ester 1:18

I kixoqil konojel ni'pa o kipatan pa Persia xaq pa Media, are kketamaj wach xu'an ati ajawinel, ike kelapan chrij ile wo'or ku' i kachijil, xaq kki'an ni ch'oj puwi.

Ester 2:1

X-on panoq are ik'awnaq chik roywal i ajawinel ma Asuero, xk'un chuk'ux wach x-on ati Vasti xaq wach taq i taqanik chi xwalij chrij.