Ester 1:17 - Wuj Pa K'ubultzij

¹⁷ I u'anom ati ajawinel le, kketamaj ni konojel ixoqib', xaq rumal ile, wo'or ixoqib' kekojon ti chik chke i kachijil, man kkib'ij na: “I ajawinel ma Asuero, xutaq uk'amik ati Vasti chi ati ajawinel, xwiri ire xraj ti enam.”

Ester 1:17 Referans Kwoze

Efesios 5:33

Xwiri, ile xaq are ilb'al re chqe, chi jun achi o uchak lik k'ax chuna i rixoqil; pacha k'axnab'al rib' ire ku'ano. Xaq i ixoq, rajwaxik chi kkojon che rachijil.

2 Samuel 6:16

Are xupon i lo'laj ukaxa i Ajwal putinimit ma David, i ati Mical, chi umi'al kan etz ma Saúl, xtaqen pa wantana, are uri xrilo chi ma David chi ajawinel ktijin che i xajoj chwach i Ajwal, are uri lik xuqajsaj u'ij.

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Ester 1:16

Lik chkiwach konojel ni'pa kepixb'aw ajawinel, ma Memucán xub'ij che i ajawinel: —Ati Vasti, chi ati ajawinel, xwi ti xuqajsaj a'ij yet nim laj winaq, xaq xuqajsaj ki'ij konojel i aj-atol tzij xaq konojel i tinimit ipa ku'at wi tzij i ajawinel ma Asuero.

Ester 1:18

I kixoqil konojel ni'pa o kipatan pa Persia xaq pa Media, are kketamaj wach xu'an ati ajawinel, ike kelapan chrij ile wo'or ku' i kachijil, xaq kki'an ni ch'oj puwi.