Ester 1:14 - Wuj Pa K'ubultzij

¹⁴ Chkixol ni'pa ike le, are i mas k'ax kena' rumal i ajawinel, je are iri: Ma Carsena, ma Setar, ma Admata, ma Tarsis, ma Meres, ma Marsena xaq ma Memucán, wuqub' achiyab' chi lik o kipatan aj Persia xaq aj Media, ike le je o chkixol ni'pa kepixb'aw i ajawinel xaq lik nimaq kipatan ru' i atol tzij.

Ester 1:14 Referans Kwoze

2 Reyes 25:19

Chkixol i winaq chi je o kan pa tinimit, xk'am b'i aj-atzil ke i jalajuj taq tzob'ajil ke i achiyab' chi je yij che i ch'oj. Xaq xeuk'am b'i jo'ob' achiyab' chi lik are je rajpatan i ajawinel chi je o pa tinimit, i aj-atzil chi o chuqul utzukuxik achiyab' chi kkinawsaj kib' che u'anik i ch'oj xaq oxwinaq (60) chi nimaq kopis pa tinimit.

Esdras 7:14

Man i ajawinel xaq i wuqub' rajpixb'anel katkitaq b'i chuk'amik upam wach u'anom i tinimit Judá xaq i Jerusalén, chrij pacha u'atb'al tzij a-Dios chi o pa'ab'.

Mateo 18:10

Jun ch'utin pacha iri, yix miqajsaj u'ij. Kinb'ij uri chiwe, i ángel aj chikaj chi je chajal ke, lik arewi je o chwach Inqajaw chikaj.

Apocalipsis 22:4

Lik konojel kuriq ni rib' kiwach ru' i Dios, xaq o ni ub'i Ire chwach kikrusil.

Ester 1:15

I ajawinel xutz'onoj chke: —Chrij pacha kub'ij i atb'al tzij, ¿Wach k-ani che ati Vasti, chi ati ajawinel, man xuqel i taqanik chi xinya b'i chke intaqon?

JEREMÍAS 52:25

Chke i winaq re i tinimit are xuchap b'i ajpatan chi keutaq i tzob'ajil chi je yij che i ch'oj, je wuqub' achiyab' chi je utaqon i ajawinel chi je o te'eq chila pa tinimit, i aj-ok'al utzam i tzob'ajil ke achiyab' chi je yij che i ch'oj, chi xaq keumolo i keutijoj che i ch'oj, xaq je oxwinaq (60) achiyab' chi lik nim ki'ij xaq etamam kiwach chila pa tinimit.