Esdras 9:3 - Wuj Pa K'ubultzij

³ Are xinta i tzijonik le, xinraqch'ij in-u', xinmich' inwi xaq wismachi' k'utb'al re inb'is xaq ru' jun k'ax che i wanima, xinkub'ik.

Esdras 9:3 Referans Kwoze

NEHEMÍAS 1:4

Are xinta ronojel ile, xinkub'i che o'ej, lik keb' oxib' ij chi xinb'isonik, xinmayij wa'im chutz'onoxik che i Dios aj chikaj.

JOSUÉ 7:6

Rumal wach xkik'ulmaj le, ma Josué xaq i je aj-atzil ke i aj Israel xkiraqch'ij ki'u', xkikoj uk'aj ulew pkija' k'utb'al re chi je o pa b'is, xexuki'ik xaq xkiqajsaj kipalaj k'a chwach ulew, chwach i lo'laj ukaxa i Ajwal, k'a xqaj b'i ij.

Miqueas 1:16

Xwiri yet, tinimit re Sion, chasolo b'i awi che ajolom k'utb'al re i k'ax, kumal awak'al chi lik k'ax keana'o. Lik chasolo b'i awi che ajolom k'a ku'an ni tz'um paja' pacha re jun k'uch, man i awak'al ke'elsax nu b'i pa cho'ab' chwach kulew.”

Daniel 8:27

Yin, ma Daniel, xinna'o chi lik nti chik incho'ab', i lik xinu'on iwab' k'iyal taq ij. Te'uri xinwalij chik, xinjeq chik chak pa atb'al tzij pacha ax kin-an wi che i nim laj tinimit. Xwiri yin lik kink'achir rumal i ilik pa wachij chi xwilo, man lik kinta ti ub'e.

Daniel 4:19

Are uri a Daniel, chi yatal pub'i a Beltsasar, xok ni chuch'ob'ik, lik uxim rib' rumal ni'pa i ch'ob'onik chi kpe pujolom. Xwiri yin in ajawinel, xinb'ij che: A Beltsasar, mattok il che taq i achik' chi wachik'am yin, xaq mitene chrij ub'ixkil usuk' chwe. I a Beltsasar xula' uwach: ¡Ay, ronojel ni'pa taq i usuk' i achik' chtzaq ni pkiwi i ajch'oj chawij yet, Nim laj Winaq!

Ezequiel 7:18

Kkikoj ni ki'u' as k'utb'al re uk'axk'ol; ronojel kich'akul kb'arb'at na, are ke'ek i kipalaj kaqchinchoj u'anom rumal kik'ixb'alil xaq kisolom b'i kiwi che kijolom.

Ezequiel 3:15

Xinupon che i tinimit Tel-abib, chuchi' i raqana Quebar, ipa je jeqel wi te'eq aj Israel chi je elsam li chwach kulew, xinkanaj kan wuqub' ij chila ku' tupu lik weta'am taj wach kin-ano xaq wach kinb'ij.

JEREMÍAS 36:24

Mitene i ajawinel xaq i nimaq taq ajpatanib' chi xkita ronojel ni'pa kub'ij i b'orom tz'um le, xkixij ti kib' xaq xkik'ut taj we o taq jun k'ax pkik'ux.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

ISAÍAS 15:2

I winaq aj pa Dibón ke'el b'i pa o'ej prachoch i Dios chi o tzam jyub'. I je aj Moab kkitz'uyunej ni usachik uwach i tinimit Nebo xaq i Medeba. Konojel ki'anom tz'um che kijolom xaq kesam i kismachi'.

Salmos 143:4

Lik utz ti in olik i wanima lik kb'isonik xaq lik oknaq il ink'ux.

Salmos 66:3

chib'ij che i Dios: “Lik chom ronojel ni'pa i ka'ano. Rumal i nim laj acho'ab' i ajch'oj chawij ketzaq ni chawach;

Job 1:20

Are uri ma Job xwalijik; rumal jun nim laj b'is xuraqch'ij u'u', xresaj b'i ronojel uwi te'uri xxuki chwach ulew kojb'al u'ij i Dios.

NEHEMÍAS 13:25

Xqajal utzam ku' xaq xeink'oqoj. Jujun chke ike xeinch'ayo xaq lik xinmich' che kiwi; xaq xin-an pen chke chi kkib'ij pub'i i Dios chi kkiya ti chke kimi'al kalk'uwal chi kek'uli ku' jub'an chik tinimit, xwi ta la ile, xaq keje kuk'ulmaj ile ku' ike. Xaq xinb'ij chik chke:

2 Reyes 18:37

Are uri ma Eliaquim, chi uk'ojol ma Hilcías, chi aj-atzil chila pa nim laj rachoch i ajawinel, ma Sebna, chi ajtz'ib' xaq ma Joa, chi ajtz'ib' re i ajawinel, xkiraqch'ij ki'u' rumal kib'is, te'uri xe'e chrilik i ajawinel ma Ezequías, man kkilap ronojel che wach xub'ij i atz laj ajpatan chke.

LEVÍTICO 21:5

I ajsujul sipon are kkesaj kiwi lik mki'an tz'um che i kijolom, lik mkesaj utzam kismachi' xaq mki'at taq kich'akul.

2 Samuel 1:11

Are uri ma David xaq i achiyab' chi je o ru', xkiraqch'ij ki'u' k'utb'al re kib'is.

Salmos 119:53

I itzel laj taq winaq chi kko'taj kan atzij pacha kub'ij a'atb'al tzij, kkipetsaj woywal.