Esdras 8:36 - Wuj Pa K'ubultzij

³⁶ Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

Esdras 8:36 Referans Kwoze

Apocalipsis 12:16

Xwiri i ulew xuto i ixoq; xujaq rib' i xub'i' b'i i ya chi xel puchi' i nim laj itzel kumatz.

Hechos 18:27

Chrijil chik ile, ma Apolos xraj enam pa ulew Acaya, rumali chi i qachalal chwach i Cristo xkiya ukowil uk'ux, xaq xkitz'ib'aj b'i jun wuj chke i jutzob'aj chi je kojonnaq che i Dios chila pa ulew Acaya, chi utz uk'ulaxik ma Apolos chki'ana ku'. Are xupon pa ulew Acaya, lik xeuto i qachalal chwach i Cristo, man rumal rutzil uk'ux Ire, kikojom i Jesús,

Ester 9:3

Konojel i aj-atol tzij re i jalajuj taq tinimit, aj-ok'al utzam i jalajuj taq tinimit chi lik nimaq xaq pa taq komon xaq jub'an chik chi lik nimaq kipatan, xekito aj Israel rumal kixib'rikil che ma Mardoqueo.

Esdras 6:13

Are uri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il xki'ano chrij pacha i taqanik chi xuya ma Darío chi ajawinel.

NEHEMÍAS 2:7

Xwi ta la ile, xaq xinb'ij che chi we kuch'ob' ire chi utz, chuya b'i uri jun wuj re taqanik chwe, chi kinya chke aj-ok'al utzam chke i jalajuj taq tinimit chi je o pusuk' i qajb'al ij che i raqana Éufrates, man keje ile kkiya ni chwe chi kinik'awik, keje ile kinupon ni k'a pa tinimit Judá;

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Proverbios 16:7

I Ajwal are utz kril unojb'al jun winaq, i je ajch'oj chrij ku'an ni chke chi kkichomaj kib' chwach i winaq le.