Esdras 8:33 - Wuj Pa K'ubultzij

³³ Che ukaj ij xpaj i saq-o'oj, an-o'oj xaq i jalajuj taq chapanb'al chila prachoch i Dios, ronojel xjach che ma Meremot chi ajsujul sipon, chi uk'ojol ma Urías. Achnimam kumal ma Eleazar chi uk'ojol ma Finees, xaq ma Jozabad chi uk'ojol ma Josué, xaq ma Noadías chi uk'ojol ma Binúi, chi je aj Leví.

Esdras 8:33 Referans Kwoze

NEHEMÍAS 3:4

I juperaj chik che i tapial chi nim uwach xuyijb'a ma Meremot, chi uk'ojol ma Urías, chi ri umam ma Cos; i juperaj chik xuyijb'a ma Mesulam, chi uk'ojol ma Berequías, chi ri umam ma Mesezabeel; i juperaj chik xuyijb'a ma Sadoc chi uk'ojol ma Baana.

NEHEMÍAS 3:21

i ma Meremot, chi uk'ojol ma Urías, chi ri umam ma Cos, xuyijb'a juperaj chik chi kjeqan b'i chila che uchija re i rachoch ma Eliasib, xupon k'a chila ipa xk'is wi rachoch ma Eliasib le.

Esdras 8:30

Are uri i ajsujul sipon xaq aj Leví xkik'am i saq-o'oj, an-o'oj xaq i jalajuj taq chapanb'al chi xpajik, xkik'am b'i prachoch i qa-Dios chila Jerusalén.

NEHEMÍAS 10:9

I aj Leví je are iri: Ma Jesúa, chi uk'ojol ma Azanías, ma Binúi, chi umuq uxikin ma Henadad, xaq ma Cadmiel;

NEHEMÍAS 10:5

ma Harim, ma Meremot, ma Obadías,

NEHEMÍAS 8:7

Aj Leví chi je are iri: Ma Jesúa, ma Bani, ma Serebías, ma Jamín, ma Acub, ma Sabetai, ma Hodías, ma Maasías, ma Kelita, ma Azarías, ma Jozabed, ma Hanán xaq ma Pelaía ketijin chub'ixkil usuk' i atb'al tzij chke i winaq. Tz'aqat i winaq lik je jeqel chila pkik'ijib'al,

NEHEMÍAS 3:24

I juperaj chik che i tapial xuyijb'a ma Binúi, chi uk'ojol ma Henadad, xjeqan b'i che i rachoch ma Azarías xupon k'a pa ko'kik.

Esdras 8:26

Xinpajo xaq xinjach kab'lajuj oxwinaq jumo' (472) tintal saq-o'oj, jo'winaq (100) jalajuj taq chapanb'al saq-o'oj xaq kab'lajuj oxwinaq (72) tintal an-o'oj;

Esdras 8:25

xinpajo xaq xinjach i an-o'oj, saq-o'oj xaq ronojel i chapanb'al re i rachoch i qa-Dios chi xusipaj i ajawinel, i je rajpixb'anel, i je rajpatan xaq konojel aj Israel chi je o chila.

Esdras 8:29

Lik chichajij xaq chik'olo k'a kipaj ni chkiwach i aj-atzil ke ajsujul sipon, chkiwach aj Leví xaq chkiwach i aj-atzil ke alk'uwal aj Israel chila pa taq upam ja re i rachoch i Dios pa Jerusalén.”

Esdras 8:34

Che i ij le xpajik, x-ajlax ronojel xaq xtz'ib'ax ronojel ni'pa xmoltajik.

Esdras 2:40

I aj Leví chi je umuq uxikin ma Jesúa, ma Cadmiel xaq je umuq uxikin ma Hodavías, je kajlajuj oxwinaq (74).

Esdras 10:23

I kimuq kixikin aj Leví chi je k'ulinaq ku' ixoqib' chi kach tinimit taj, je are: Ma Jozabad, ma Simei, ma Kelaía (ke'eloq ma Kelita), ma Petaías, ma Judá, xaq ma Eliezer.

NEHEMÍAS 10:10

xaq i ratz ucha' chi je are iri: Ma Sebanías, ma Hodías, ma Kelita, ma Pelaías, ma Hanán,