Esdras 8:31 - Wuj Pa K'ubultzij

³¹ Che i ij kab'lajuj re i nab'e ik' xoj-el chila che i raqana Ahava, xoj-e pa Jerusalén. I qa-Dios xojuto pki'ab' i ajch'oj chqij xaq pki'ab' ili'omab' pa taq b'e.

Esdras 8:31 Referans Kwoze

Esdras 8:15

Yin in ma Esdras, xinmol kichi' konojel ike chutzal ik'awb'al ya chi kupon k'a che i raqana Ahava, chila xojk'iji wi oxib' ij. Are xwik'awsaj kib'i konojel i winaq xaq i ajsujul sipon, mijun aj Leví xinriq chkixol.

Hechos 26:22

Xwiri ru' utob'al i Dios, yin lik inkub'am ink'ux che k'a are o wi wo'or, kinb'ij utzij i Dios chke konojel i winaq, chke ch'utiq xaq chke nimaq. Yin nti taq to' junwi tzij kinb'ij chke we are ti wach kib'im kan i profeta xaq pacha ub'im kan ma Moisés, chi kk'ulmax na k-on panoq:

Hechos 25:3

Xkitz'onoj jun nim laj utzil chomal che chi chutaqa uk'amik b'i ma Pablo pa Jerusalén. I kich'ob'onik ike are ukamsaj i ma Pablo pa taq b'e.

Esdras 7:28

xaq rumal xuk'ut rutzil uk'ux chwe chwach i ajawinel, ni'pa rajpixb'anel xaq konojel ni'pa nimaq kopis che i atb'al tzij, xaq xuya ukowil ink'ux man ru' utonik xintiki chumolik kichi' konojel aj Israel chi lik nimaq kopis man keje ile ketzalij b'i wu' pa Jerusalén.” Xcha.

ISAÍAS 66:14

Yix are kiwil ile, ik'ux lik kkikot na; i ich'akul k-on ni chik k'ak' pacha utux ichaj. I Ajwal kuya retamaxik ucho'ab' chkixol i rajpatanib', xaq i roywal kuya ni retamaxik chkixol i je ajch'oj chrij.