Esdras 8:25 - Wuj Pa K'ubultzij

²⁵ xinpajo xaq xinjach i an-o'oj, saq-o'oj xaq ronojel i chapanb'al re i rachoch i qa-Dios chi xusipaj i ajawinel, i je rajpixb'anel, i je rajpatan xaq konojel aj Israel chi je o chila.

Esdras 8:25 Referans Kwoze

Esdras 8:33

Che ukaj ij xpaj i saq-o'oj, an-o'oj xaq i jalajuj taq chapanb'al chila prachoch i Dios, ronojel xjach che ma Meremot chi ajsujul sipon, chi uk'ojol ma Urías. Achnimam kumal ma Eleazar chi uk'ojol ma Finees, xaq ma Jozabad chi uk'ojol ma Josué, xaq ma Noadías chi uk'ojol ma Binúi, chi je aj Leví.

Esdras 1:8

Ma Ciro xujach che ma Mitrídates chi ajk'olon mer, i ma Mitrídates le are xutzin chrajlaxik i mer le, xujach che ma Sesbasar chi are Aj-ok'al utzam i tinimit Judá.

Filipenses 4:8

Ix, wachalal chwach i Cristo, pa k'isb'al re intzij, kinb'ij iri chiwe: Chiya ni ijolom chuch'ob'ik xwi i saq laj tzij, xwi i o u'ij, xwi i suk'ulik, xwi i ch'am, xwi i chom, xwi i utz kkil i winaq; ronojel ni'pa i xinb'ij le, chiya ijolom che. Ni'pa i utz, xaq ni'pa ile chi kmajawik koksax u'ij.

Esdras 2:69

Xkiya i mer yakb'al re i rachoch i Dios, chrij pacha xetiki chuya'ik chi are iri: Lajuj tintal ru' jo'lajuj oxwinaq (75) pexu an-o'oj, oxwinaq (60) tintal saq-o'oj xaq jo'winaq (100) jurjaq k'ul ke i ajsujul sipon.

NÚMEROS 7:85

I ralil i jujun ripraq taq laq le o oxib' pexu ru' nik'aj che xaq i jujun nimaq taq laq le o keb' pexu che ralil. Ronojel ni'pa i ripraq taq laq xaq i nimaq taq laq le o oxwinaq (60) pexu che ralil, chrij pacha i pajb'al re i lo'laj k'ijib'al re i Dios.