Esdras 7:24 - Wuj Pa K'ubultzij

²⁴ Xaq rajwaxik k-etamaxik chi lik utz taj chi ktz'onox i jalajuj taq alkawal chke i ajsujul sipon, aj Leví, ajb'ix, ajchajal xol taq uchija, aj-anol kipatan xaq xab'i chi winaqil chi ku'an upatan prachoch i Dios.

Esdras 7:24 Referans Kwoze

Esdras 7:7

x-e pa Jerusalén je rachnimam b'i jutzob'aj aj Israel chi je ajsujul sipon, aj Leví, ajb'ix, ajchajal re uxol taq uchija xaq aj-anol kipatan prachoch i Dios.

Esdras 4:13

Xaq kqaya retamaxik chawe, Nim laj Winaq, we ketiki chuyakik xaq chusutixik rij i tinimit le ru' tapial nim uwach, i winaq le kkaj ti chik uri utojik i alkawal chawe, rumali chi i mer chi kajwax chawe lik nim ktzalij chrij.

Esdras 4:20

Xaq je ik'awnaq i ajawinelab' pa Jerusalén chi lik ko kiwach, man xki'at tzij pkiwi i jub'an chik tinimit chi o pusuk' i qajb'al ij che i raqana Éufrates, chi kkitoj i jalajuj taq alkawal chke.

Mateo 9:9

I Jesús xel chila; are ktijin che i b'e, xril jun ajtz'onol alkawal, ma Mateo ub'i, kul chila puk'ijib'al ipa ktoj wi alkawal che. Are uri i Jesús xub'ij che: —Chatterej chwij. Ire juntir xwalijik i xterej chrij.

NEHEMÍAS 5:4

jub'an chik kkib'ij chi kichi'mam mer re tojb'al i alkawal che i ajawinel, rumali chi kiya'om uwujil kulew xaq kitikanb'al. Xaq kkib'ij:

GÉNESIS 47:22

Xwi kulew i je ajsujul sipon xulo' ti ma José man ike kya' ki-trigo rumal ma faraón; rumali xkik'ayij ti kulew.

GÉNESIS 47:26

Rumali ma José xukanaj kan ile chi lik jun atb'al tzij chwach ronojel ulew Egipto chi k'a are o wi wo'or chi k-ani jo'ob' mutzaj che i molonik, man i jun mutzaj kya' ni che ma faraón, i kajib' mutzaj chik ke ike. Xwi i ulew ke aj ajsujul sipon xkanaj ti pu'ab' ma faraón.