Esdras 7:21 - Wuj Pa K'ubultzij

²¹ Yin, ma Artajerjes, chi in ajawinel, kinya jun taqanik chke konojel ajk'olon mer chi je o pusuk' i qajb'al ij che i raqana Éufrates, chi lik kkiya ronojel ni'pa kutz'onoj ma Esdras, chi ajsujul sipon chi xaq tijonel che ronojel ni'pa utaqanik xaq u'atb'al tzij i Dios aj chikaj,

Esdras 7:21 Referans Kwoze

Esdras 7:6

I ma Esdras le are jun tijonel chi k'uttal i atb'al tzij che chi uya'om i Ajwal, chi ki-Dios aj Israel, che ma Moisés, xwi ta la ile, xaq kto' rumal i Ajwal, rumali chi i ajawinel ma Artajerjes xuya ronojel ni'pa xutz'onoj che. Keje uri ile chi, che uwuq junab' rajawinik ma Artajerjes, ma Esdras xel li pa Babilonia,

Esdras 4:16

Rumali chi kqaya retamaxik chawe, Nim laj Winaq, we xetiki chuyijb'axik i tinimit le xaq usutixik rij ru' tapial chi nim uwach, lik ksach uri i ajawinik pkiwi i winaq chi je o chwach ulew chi o pusuk' i qajb'al ij che i raqana Éufrates.

Esdras 6:6

Are uri i ajawinel ma Darío xuya i taqaniki che ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq che ma Setar-boznai junam ku' rachi'il chi aj chila che i tinimit le. Chixel chila pa Jerusalén

Esdras 4:20

Xaq je ik'awnaq i ajawinelab' pa Jerusalén chi lik ko kiwach, man xki'at tzij pkiwi i jub'an chik tinimit chi o pusuk' i qajb'al ij che i raqana Éufrates, chi kkitoj i jalajuj taq alkawal chke.

Esdras 7:1

X-on panoq che rajawinik ma Artajerjes, chi ajawinel re i tinimit Persia, o jun achi chi ma Esdras ub'i chi lik umuq uxikin ma Seraías, ma Azarías, ma Hilcías,

Esdras 7:22

kupon k'a che oxlajuj oxwinaq (73) tintal saq-o'oj, oxlajuj jumo' (413) tintal trigo, lajuj tonel uwa'al uva muqb'am, lajuj tonel aceite xaq ronojel ni'pa atz'am chi kutz'onoj.

Esdras 8:36

Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

NEHEMÍAS 2:7

Xwi ta la ile, xaq xinb'ij che chi we kuch'ob' ire chi utz, chuya b'i uri jun wuj re taqanik chwe, chi kinya chke aj-ok'al utzam chke i jalajuj taq tinimit chi je o pusuk' i qajb'al ij che i raqana Éufrates, man keje ile kkiya ni chwe chi kinik'awik, keje ile kinupon ni k'a pa tinimit Judá;

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Salmos 119:4

Yet ataqom u'anik chi lik qatzij keje k-anik pacha kub'ij atzij apixab'.