Esdras 7:14 - Wuj Pa K'ubultzij

¹⁴ Man i ajawinel xaq i wuqub' rajpixb'anel katkitaq b'i chuk'amik upam wach u'anom i tinimit Judá xaq i Jerusalén, chrij pacha u'atb'al tzij a-Dios chi o pa'ab'.

Esdras 7:14 Referans Kwoze

Ester 1:14

Chkixol ni'pa ike le, are i mas k'ax kena' rumal i ajawinel, je are iri: Ma Carsena, ma Setar, ma Admata, ma Tarsis, ma Meres, ma Marsena xaq ma Memucán, wuqub' achiyab' chi lik o kipatan aj Persia xaq aj Media, ike le je o chkixol ni'pa kepixb'aw i ajawinel xaq lik nimaq kipatan ru' i atol tzij.

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Daniel 6:20

I ajawinel are o chik chunaqaj, lik ru' b'is xusik'ij ma Daniel, xub'ij: —Ma Daniel, chi rajchak i Dios k'aslik, ¿Xtiki nawi a-Dios, chato'ik chkiwach i koj chi yet lik aya'om ak'ux che?

Daniel 2:47

Te'uri xub'ij che a Daniel: —Lik qatzij i Dios yix lik mas nim chkiwach konojel ni'pa taq i jub'an chik dios; are ire Ajwal ke i ajawinelab' chi xaq kuya retamaxik ronojel ile chi etamam ti uwach, man yet at tikinaq chretamaxik iri chi etamam ti uwach.

ISAÍAS 8:20

man re kb'ix chke wach kki'ano xaq re kya' jun tzijonik chke?” Saq laj tzij keje ni ile kkib'ij chiwe, xwiri ni'pa i kkib'ij le, xa mem laj nojb'al.

Esdras 8:25

xinpajo xaq xinjach i an-o'oj, saq-o'oj xaq ronojel i chapanb'al re i rachoch i qa-Dios chi xusipaj i ajawinel, i je rajpixb'anel, i je rajpatan xaq konojel aj Israel chi je o chila.

Esdras 7:28

xaq rumal xuk'ut rutzil uk'ux chwe chwach i ajawinel, ni'pa rajpixb'anel xaq konojel ni'pa nimaq kopis che i atb'al tzij, xaq xuya ukowil ink'ux man ru' utonik xintiki chumolik kichi' konojel aj Israel chi lik nimaq kopis man keje ile ketzalij b'i wu' pa Jerusalén.” Xcha.

Esdras 7:15

Chak'ama b'i an-o'oj xaq i saq-o'oj chi ru' ronojel kik'ux i ajawinel xaq i rajpixb'anel kkiya che i Dios ke aj Israel chi o chila pa Jerusalén,

Esdras 6:12

¡Xaq i Dios chi x-uluw i tinimit Jerusalén ipa kk'iji wi ub'i, chuchupu ni uwach xab'i chi ajawinelil xaq xab'i chi tinimital chi kumin taq rib' chu'atixik xaq chu'anik ch'oj chrij i rachoch i Ajwal chi o pa Jerusalén! Yin in ma Darío xinyaw i taqaniki. Ch-antaj na chrij pacha xinb'ij.

Esdras 1:3

Rumali chi xapachin chiwe yix, chi ix utinimit i Ajwal, chixuto ni uri Iwajwal Dios; xaq chixtzalij chik pa Jerusalén chi o pa Judá chuyakik i rachoch i Ajwal, chi ki-Dios aj Israel, chi are Dios chi jeqel pa Jerusalén.

Esdras 6:8

Iri are intaqanik tob'al ke aj-ok'al utzam ke aj Judío, man kkiyak tan chik i rachoch i Dios: Ru' i alkawal chi kumol i ajawinel chke i winaq chi je o pusuk' i qajb'al ij che i raqana Éufrates, su' ktoj ni ronojel ni'pa rajwaxik chi ktojik che i ij chi ch'iktalik, man keje ile kch'aqi ti chak.

ZACARÍAS 6:10

“Chamolo jun qasan chkixol i je k'amtal te b'i pa Babilonia chi ya xetzalij chaloq: Ma Heldai, ma Tobías xaq i ma Jedaías. Te'uri lik che i ij le, jat chi rachoch i ma Josías chi uk'ojol i ma Sofonías.