Esdras 7:12 - Wuj Pa K'ubultzij

¹² I ma Artajerjes, chi ajawinel pkiwi k'iyal taq ajawinelab', kuya i rutzil uwach ma Esdras, chi ajsujul sipon xaq tijonel che ronojel ni'pa utzij upixab' xaq u'atb'al tzij i Ajwal aj chikaj.

Esdras 7:12 Referans Kwoze

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Ezequiel 26:7

Yin in Ajwal, kinb'ij: Kin-an na chi pa moxab' kpe ni ma Nabucodonosor, ajawinel re i tinimit Babilonia, are ajawinel chi lik nim ucho'ab', keje ile ku'an ch'oj chrij i tinimit Tiro. Keuk'am na li kaway, kareta xaq i achiyab' chi je ajrij taq kaway xaq ru' k'iyal tzob'ajil taq ajch'oj.

Esdras 4:17

Are uri i ajawinel ma Artajerjes keje ula'ik uwach iri xutaq b'i che ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, che ma Simsai chi ajtz'ib' xaq chke i rachi'il chi je jeqel pa Samaria, xaq che ulew chi o pusuk' i qajb'al ij che i raqana Éufrates: Chik'ama jun rutzil iwach.

Apocalipsis 19:16

I jun le chi xwilo, o ub'i tz'ib'tal chwach u'u', xaq chwach uwi ra'; i ub'i are iri: “I Nim Laj Ajawinel pkiwi konojel i je ajawinelab', xaq Ajwal pkiwi ni'pa i ajwalxelab'.” Keje ile tz'ib'tal che.

Apocalipsis 17:14

Ike kki'an ni ch'oj chrij i jun chi Ral Chij kb'ix che. Xwiri ire, junam ku' i je teren chrij, ketiki ni chke, man ire are i nim laj Ajawinel pkiwi konojel i ajawinelab', ni'pa i je teren chrij ire je chatalik xaq je sik'tal rumal i Dios; ike kko'taj taj.

1 Timotéo 6:15

Are kuriq i ij chi ch'iktalik, i Dios ku'an ni che chi kk'unik. Xwi ire lo'laj Dios, rajaw i kikotemal xaq lik nim ucho'ab'; xwi ire o puwi ronojel. Are ire Ajawinel pkiwi konojel i ajawinelab'; are ire Ajwal chke i ajwalxelab'.

Daniel 2:47

Te'uri xub'ij che a Daniel: —Lik qatzij i Dios yix lik mas nim chkiwach konojel ni'pa taq i jub'an chik dios; are ire Ajwal ke i ajawinelab' chi xaq kuya retamaxik ronojel ile chi etamam ti uwach, man yet at tikinaq chretamaxik iri chi etamam ti uwach.

ISAÍAS 10:8

Kub'ij: Konojel i ajawinelab' je aj-atzil na chrij wach keintaq yin che.

1 Reyes 20:1

Ma Ben-adad, chi ajawinel re i tinimit Siria, xumol kichi' konojel achiyab' chi je yij che i ch'oj xaq xumol kichi' kab'lajuj juwinaq (32) ajawinelab' chi kiya'om kiwach ru', junam ru' kikaway xaq kich'ich' re anb'al ch'oj; xe'e chusutixik rij i tinimit Samaria xaq xu'an ch'oj chkij.

1 Reyes 4:24

Man ma Salomón krajawin puwi ronojel ulew chi o puqajb'al ij chila pa Éufrates, kjeqan b'i che i tinimit Tifsa, kupon k'a che i tinimit Gaza, xaq o pkiwi konojel i ajawinelab' re i k'ijib'al le. Ma Salomón lik nti ch'oj xu'an ku' konojel i winaq chi je o chila.

Esdras 7:1

X-on panoq che rajawinik ma Artajerjes, chi ajawinel re i tinimit Persia, o jun achi chi ma Esdras ub'i chi lik umuq uxikin ma Seraías, ma Azarías, ma Hilcías,

Esdras 7:6

I ma Esdras le are jun tijonel chi k'uttal i atb'al tzij che chi uya'om i Ajwal, chi ki-Dios aj Israel, che ma Moisés, xwi ta la ile, xaq kto' rumal i Ajwal, rumali chi i ajawinel ma Artajerjes xuya ronojel ni'pa xutz'onoj che. Keje uri ile chi, che uwuq junab' rajawinik ma Artajerjes, ma Esdras xel li pa Babilonia,

Esdras 7:11

Iri are uk'exwach i wuj chi xujach i ajawinel ma Artajerjes che ma Esdras, chi ajsujul sipon xaq tijonel che ronojel ni'pa utzij upixab' xaq u'atb'al tzij i Ajwal, chi uya'om chke aj Israel:

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.