Esdras 7:11 - Wuj Pa K'ubultzij

¹¹ Iri are uk'exwach i wuj chi xujach i ajawinel ma Artajerjes che ma Esdras, chi ajsujul sipon xaq tijonel che ronojel ni'pa utzij upixab' xaq u'atb'al tzij i Ajwal, chi uya'om chke aj Israel:

Esdras 7:11 Referans Kwoze

Mateo 23:13

“¡To' iwach yix!” —Ix tijonelab' re ujer atb'al tzij, xaq yix chi ix aj fariseo. ¡Xa keb' ipalaj! Kik'ut ti saq laj tzij chke i winaq; xa kitz'apij i uchija re U'atb'al tzij i Dios aj Chikaj, man kiwaj taj ke'ok b'i jub'an chik. Xaq mitene yix kiwaj ti kixok b'ik, xaq kiya ti chke ke'ok b'i kkaj okik.

Mateo 23:2

—I tijonelab' re ujer atb'al tzij, xaq i aj fariseo, o chkiqul kkisaqij chiwe wach usuk' i atb'al tzij chi utz'ib'am kan i mam Moisés.

Esdras 7:6

I ma Esdras le are jun tijonel chi k'uttal i atb'al tzij che chi uya'om i Ajwal, chi ki-Dios aj Israel, che ma Moisés, xwi ta la ile, xaq kto' rumal i Ajwal, rumali chi i ajawinel ma Artajerjes xuya ronojel ni'pa xutz'onoj che. Keje uri ile chi, che uwuq junab' rajawinik ma Artajerjes, ma Esdras xel li pa Babilonia,

Esdras 5:6

Iri are jun uk'exwach i wuj chi taqtal b'i che i ajawinel ma Darío rumal ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' rachi'il chi aj-ok'al utzam i tinimit chi o pusuk' i qajb'al ij chila che i raqana Éufrates,

Esdras 7:10

I ma Esdras lik o punojb'al chi xutijoj rib' xaq lik ku'ano chrij pacha kub'ij u'atb'al tzij i Ajwal, xaq o punojb'al uk'utik utaqanik i Ajwal le chke aj Israel.

Esdras 7:12

I ma Artajerjes, chi ajawinel pkiwi k'iyal taq ajawinelab', kuya i rutzil uwach ma Esdras, chi ajsujul sipon xaq tijonel che ronojel ni'pa utzij upixab' xaq u'atb'al tzij i Ajwal aj chikaj.

Esdras 7:21

Yin, ma Artajerjes, chi in ajawinel, kinya jun taqanik chke konojel ajk'olon mer chi je o pusuk' i qajb'al ij che i raqana Éufrates, chi lik kkiya ronojel ni'pa kutz'onoj ma Esdras, chi ajsujul sipon chi xaq tijonel che ronojel ni'pa utaqanik xaq u'atb'al tzij i Dios aj chikaj,