Esdras 6:8 - Wuj Pa K'ubultzij

⁸ Iri are intaqanik tob'al ke aj-ok'al utzam ke aj Judío, man kkiyak tan chik i rachoch i Dios: Ru' i alkawal chi kumol i ajawinel chke i winaq chi je o pusuk' i qajb'al ij che i raqana Éufrates, su' ktoj ni ronojel ni'pa rajwaxik chi ktojik che i ij chi ch'iktalik, man keje ile kch'aqi ti chak.

Esdras 6:8 Referans Kwoze

Esdras 6:4

xwi ta la ile, xaq choksax oxib' cholaj nimaq taq ab'aj xaq jun cholaj che' k'ak'. Ru' i mer chi o pu'ab' i ajawinel ktoj ronojel ile.

Hageo 2:8

We Yin i saq-o'oj xaq i an-o'oj.

Esdras 5:5

Xwiri i Dios lik keuto i aj-ok'al utzam i chak chi je aj Judío, rumali ike xkimayij ti u'anik i chak k'a xkitaq nu b'i jun wuj che ma Darío xaq k'a xkoy-ej na wach xb'ix li chke.

Esdras 4:23

Are x-ajlax uwach uwuj i ajawinel ma Artajerjes chwach ma Rehum, ma Simsai chi ajtz'ib', xaq chkiwach i rachi'il; konojel ike xe'e la pa Jerusalén ru' jun taqanik, xaq xeki'ana k'ax chke, xeki'atij aj Israel chu'anik i chak le.

Esdras 4:16

Rumali chi kqaya retamaxik chawe, Nim laj Winaq, we xetiki chuyijb'axik i tinimit le xaq usutixik rij ru' tapial chi nim uwach, lik ksach uri i ajawinik pkiwi i winaq chi je o chwach ulew chi o pusuk' i qajb'al ij che i raqana Éufrates.

Esdras 6:7

xaq chiya che i aj-ok'al utzam ke aj Judío xaq ni'pa i rachi'il chi kkiyak chik i rachoch i Dios chila puk'ijib'al.

Esdras 6:9

Lik ij ij xaq lik kramtaj ti ujachik chke i je ajsujul sipon chila Jerusalén, chrij pacha kkib'ij ike ronojel ni'pa kajwax chke, nti k-ono we ral taq me', mama'ib' chij, i ral taq chij, man keporox chwach i Dios aj chikaj; xaq utz we trigo, atz'am, uwa'al uva muqb'am xaq i aceite,

Esdras 7:14

Man i ajawinel xaq i wuqub' rajpixb'anel katkitaq b'i chuk'amik upam wach u'anom i tinimit Judá xaq i Jerusalén, chrij pacha u'atb'al tzij a-Dios chi o pa'ab'.

NEHEMÍAS 11:23

i ajawinel xuya i taqanik chke ajb'ix, chrij wach taq rajwaxik kki'an ij ij.

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Esdras 6:14

Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

NEHEMÍAS 2:8

xaq jun chik wuj chi kinya che ma Asaf, chi ajchajinel re i k'achelaj re i ajawinel, chi kuya i che' chwe re kinyijb'a jalajuj taq uchija re rachoch i Dios, xaq re i tapial chi nim uwach chi o chrij chwach i tinimit xaq re i ja ipa kink'iji wi yin. Are uri i ajawinel xuya ronojel ni'pa rajwaxik chwe, man i lo'laj rutzil uk'ux i Dios o wu'.