Esdras 6:5 - Wuj Pa K'ubultzij

⁵ Ronojel ni'pa i chapanb'al chi an-o'oj xaq saq-o'oj re i rachoch i Dios, chi xrel-aj li ma Nabucodonosor chila Jerusalén, chi xuk'am li pa Babilonia, chejach ni chik chila pa Jerusalén xaq chya' ni chik prachoch i Dios chila ipa xk'am wi. Keje ile kub'ij i wuj.”

Esdras 6:5 Referans Kwoze

Daniel 5:2

Are lik ab'arel chik, i ajawinel ma Belsasar xutaq uk'amik i tu'b'al xaq i xar re an-o'oj i saq-o'oj chi ma Nabucodonosor chi uqajaw uk'amom li prachoch i Ajwal pa Jerusalén. I tu'b'al xaq i xar xek'am loq, i xetu'un chupam, i ajawinel, konojel i rixoqil, xaq konojel i qas ti mer je rixoqil, xaq konojel ni'pa je o chila che i nim laj wa'im.

Esdras 5:14

Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

JEREMÍAS 27:16

Te'uri xinlapan ku' ajsujul sipon xaq ku' i winaq, xinb'ij chke: Keje iri kub'ij i Ajwal: Mikoj retalil chke i profeta chi kkisaqij chi ya ktzalijsax chali pa Babilonia ronojel ni'pa i jalajuj taq chapb'al prachoch i Dios. Ronojel ile chi kkb'ij chiwe xa nuk'um tzij.

JEREMÍAS 52:19

Xaq keje xu'an i aj-ok'al utzam chke i ajchajinelab', xuk'am b'i ronojel b'iroxik chi an-o'oj xaq i saq-o'oj: Nimaq taq ripraq laq, sib'al, nimaq taq laq, yab'al chaj, tikb'al kantela, nimaq taq lochb'al xaq i tu'b'al re i uwa'al uva muqb'am re sujunik.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

2 Reyes 24:13

Chrijil chik ile, ma Nabucodonosor xresaj li ronojel ni'pa i b'eyomal chi o prachoch i Ajwal, xaq ni'pa o pa nim laj rachoch i ajawinel, lik x-antajik chrij pacha ub'im i Ajwal, man xupaxij ronojel ni'pa i b'iroxik an-o'oj chi xu'an ma Salomón, chi ajawinel aj Israel, re i rachoch i Ajwal.

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.