Esdras 6:4 - Wuj Pa K'ubultzij

⁴ xwi ta la ile, xaq choksax oxib' cholaj nimaq taq ab'aj xaq jun cholaj che' k'ak'. Ru' i mer chi o pu'ab' i ajawinel ktoj ronojel ile.

Esdras 6:4 Referans Kwoze

1 Reyes 6:36

Xaq xuyijb'a jun uwaja chupam chi xukoj oxib' cholaj ab'aj che chi chom uyijb'axik antalik, xaq puwi xukoj jun cholaj et chi elsam che i che' chakalte'.

Salmos 68:29

Rumal i lo'laj awachoch chila Jerusalén, i ajawinelab' kkik'am b'i kisipon chawe,

Apocalipsis 12:16

Xwiri i ulew xuto i ixoq; xujaq rib' i xub'i' b'i i ya chi xel puchi' i nim laj itzel kumatz.

ISAÍAS 49:23

I ajawinelab' je are ni aqajawb'al xaq i kimi'al i ajawinelab' je are ni ike keilaw awak'al. Kexuki na xaq kkiqajsaj ni kipalaj k'a chwach ulew chawach yet, xaq kkiri' ni uk'aj ulew che i awaqan. Xaq kawetamaj na chi yin in Ajwal, xaq ni'pa i kkikub'a kik'ux chwe Yin kkiya ti kik'ix.”

Salmos 72:10

I ajawinelab' re i tinimit Tarsis xaq re ulew chi o ya chrij chwach, re i tinimit Sabá, xaq re i tinimit Seba, chkik'ama na li i sipon xaq i tojonik che ire.

Esdras 6:8

Iri are intaqanik tob'al ke aj-ok'al utzam ke aj Judío, man kkiyak tan chik i rachoch i Dios: Ru' i alkawal chi kumol i ajawinel chke i winaq chi je o pusuk' i qajb'al ij che i raqana Éufrates, su' ktoj ni ronojel ni'pa rajwaxik chi ktojik che i ij chi ch'iktalik, man keje ile kch'aqi ti chak.

Esdras 3:7

Te'uri xkiya i mer chke ajyakol ja xaq chke i ajanelab'; xwi ta la ile, xaq xkiya ti'b'alil, ya re tu'ik re xaq aceite chke i winaq aj Tiro xaq aj Sidón, man keje ile kkesaj b'i che' chakalte' pa k'achelaj Líbano, kkik'am b'i puwi i mar k'a che i tinimit Jope, chrij pacha xub'ij i ma Ciro chke chi ajawinel ke aj Persia.