Esdras 6:15 - Wuj Pa K'ubultzij

¹⁵ I rachoch i Dios xutzin che oxib' ij re i ik' Adar, che uwaq junab' rajawinik ma Darío pa tinimit Persia.

Esdras 6:15 Referans Kwoze

Ester 3:7

I nab'e ik' che i junab', ile are i ik' chi Nisán ub'i, che i kab'lajuj junab' re rajawinik i ajawinel ma Asuero, xki'an jun sakinik chwach ma Amán, man kkich'ik i ij xaq i ik' chi ku'an na wach uch'ob'om, are uri xtzaq i sakinik che i ij oxlajuj re ik' kab'lajuj, ile are ik' chi Adar ub'i.

Ester 9:21

Xub'ij chke chi junab' junab' kki'an ni i nima'ij che i kajlajuj xaq che jo'lajuj ij re i ik' chi Adar ub'i,

Ester 9:19

Xwiri i aj Israel chi je jeqel pa taq komon chi sutim ti rij ru' i tapial nim uwach, lik ru' kikotemal xki'an i nima'ij che i ij kajlajuj re i ik' chi Adar ub'i, xaq xkisipaj jalajuj taq sipon chkiwach.

Ester 9:17

Che i oxlajuj ij xki'an ronojel ile, xwiri; che i kajlajuj ij xe'uxlanik, xaq xkiyijb'a jun nim laj wa'im ru' jun nim laj kikotemal.

Ester 9:15

Are uri aj Israel chi je o pa tinimit Susa, xkimol chik kib' che i ij kajlajuj re i ik' chi Adar ub'i, chila Susa xekikamsaj chik jo'lajujwinaq (300) achiyab'; xwiri xkik'am ti ub'itaq ke chke.

Ester 9:1

Che i ij oxlajuj re kab'lajuj ik', ile are i ik' chi Adar ub'i, are i ij chi ch'iktalik, man k-ani ronojel i taqanik chi xuya i ajawinel, xaq are i ij le chi i je ajch'oj chkij aj Israel kich'ob'om kich'akik. Xwiri xuk'ulmaj ti ile, man are aj Israel xech'akanik.

Ester 8:12

Lik xa che jun ij k-ani ni ronojel ni'pa i taqanik le, pa jalajuj taq tinimit ipa krajawin wi i ajawinel ma Asuero, i ij chi ch'iktalik, are i ij oxlajuj re i kab'lajuj ik', i ik' le Adar ub'i.

Ester 3:13

Chrijil chik ile, xtaq b'i chke ajk'amol b'i wuj man kkijach pa jalajuj taq tinimit ipa ku'at wi tzij i ajawinel ma Asuero. Chupam i wuj le ktaq uchupik kiwach konojel aj Israel, che jun chi ij konojel aj Israel, alab'om, rijab', ak'alab' xaq ixoqib', xaq kk'am ronojel ub'itaq ke. I ij ch'iktalik are i ij oxlajuj re i kab'lajuj ik', ile are ik' chi Adar ub'i.

1 Reyes 8:63

Are uri ma Salomón xusujuj jo'lajujmo' kachiy (22,000) torib' xaq jo'lajujchiy (120,000) chij re porom sipon chi re chomb'al ib' chwach i Ajwal Dios. Keje ujachik uri i rachoch i Dios ile xu'an i ajawinel ma Salomón xaq konojel aj Israel pu'ab' i Dios.

Esdras 5:16

Keje uri ile chi are xupon ma Sesbasar, xukoj ukub'ib'al i rachoch i Dios pa Jerusalén; che i ij le xjeqan uyakik xwiri k'amaja kutzinik.

ZACARÍAS 1:1

Che i uwajxaq ik' re i ukab' junab' re rajawinik i ajawinel ma Darío, i Ajwal xub'ij i tzijoniki che i profeta ma Zacarías, chi uk'ojol ma Berequías xaq i ri umam ma Iddo. Xub'ij che:

ZACARÍAS 1:16

Rumali, Yin in Ajwal, kinb'ij: Wo'or kwil tan chik tob'al uwach i Jerusalén, xaq kin-an na chi i wachoch xaq konojel i tinimit keyaktaj tan chik.

ZACARÍAS 4:9

“I ma Zorobabel ukojom ukub'ib'al i rachoch i Ajwali, xaq lik are ire kuk'is ni uyijb'axik,” kub'ij i Ajwal. Keje uri ile kiwetamaj ni yix chi are i Ajwal chi ronojel ktiki che inutaqom loq.

Esdras 4:24

Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

Esdras 9:9

Tupu oj winaq chi oj o pu'ab' i rajaw qachak, xwiri oj awo'tam ti chupam ile, ak'utum rutzil ak'ux chqe chkiwach i ajawinelab' aj Persia, aya'om qak'aslemal chuyakik tan chik awachoch chi wulkrijnaq, oj achajim pa Judá xaq pa Jerusalén.