Esdras 6:14 - Wuj Pa K'ubultzij

¹⁴ Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

Esdras 6:14 Referans Kwoze

Esdras 7:1

X-on panoq che rajawinik ma Artajerjes, chi ajawinel re i tinimit Persia, o jun achi chi ma Esdras ub'i chi lik umuq uxikin ma Seraías, ma Azarías, ma Hilcías,

Esdras 5:13

Chrijil chik ile, i ma Ciro, che i nab'e junab' rajawinik pa Babilonia, xutaq tan chik uyakik i rachoch i Dios.

Esdras 4:24

Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

ZACARÍAS 4:9

“I ma Zorobabel ukojom ukub'ib'al i rachoch i Ajwali, xaq lik are ire kuk'is ni uyijb'axik,” kub'ij i Ajwal. Keje uri ile kiwetamaj ni yix chi are i Ajwal chi ronojel ktiki che inutaqom loq.

Hageo 1:8

Jix chwi taq jyub', chik'ama li che' xaq chiyijb'a chik wachoch. Yin lik kinkikotik kink'iji ni chupam xaq kink'ut ni inchomalil; keje ile kub'ij i Ajwal.

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

Esdras 4:3

Xwiri ma Zorobabel, ma Jesúa xaq i aj-atzil ke alk'uwal aj Israel, xkib'ij chke: —Kmajaw taj chi kojito chuyakik i rachoch i Ajwal Dios. Yoj rajwaxik qatukel kojyakaw ni rachoch i Ajwal, chi ki-Dios aj Israel, man keje ile xub'ij ma Ciro chqe, chi ajawinel re i tinimit Persia.

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 5:1

I profeta chi ma Hageo xaq ma Zacarías, chi uk'ojol ma Iddo, xkib'ij chke aj Judío xaq chke aj Jerusalén wach xya' retamaxik chke rumal i Ajwal chi ki-Dios aj Israel.

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

ZACARÍAS 1:1

Che i uwajxaq ik' re i ukab' junab' re rajawinik i ajawinel ma Darío, i Ajwal xub'ij i tzijoniki che i profeta ma Zacarías, chi uk'ojol ma Berequías xaq i ri umam ma Iddo. Xub'ij che:

ZACARÍAS 1:16

Rumali, Yin in Ajwal, kinb'ij: Wo'or kwil tan chik tob'al uwach i Jerusalén, xaq kin-an na chi i wachoch xaq konojel i tinimit keyaktaj tan chik.

ZACARÍAS 8:9

Iri are kub'ij i Ajwal chi ronojel ktiki che: “Chikoch'ij iwach, yix chi che taq i iji itom i tzij chi xkib'ij i profeta, che taq li ij are xoksax ukub'ib'al i ja re uyakik tan chik i rachoch i Ajwal chi ronojel ktiki che.

Esdras 6:3

Che i nab'e junab' rajawinik, ma Ciro xutaq ub'ixkil iri: “Chrij i chak re i rachoch i Dios chila Jerusalén. Choksax ni ukub'ib'al xaq chyak chik i rachoch i Dios man keje ile ksujux ni porom sipon chila. Kya' ni waqlajuj xik'ab' che raqan xaq waqlajuj xik'ab' che uwach

Esdras 6:8

Iri are intaqanik tob'al ke aj-ok'al utzam ke aj Judío, man kkiyak tan chik i rachoch i Dios: Ru' i alkawal chi kumol i ajawinel chke i winaq chi je o pusuk' i qajb'al ij che i raqana Éufrates, su' ktoj ni ronojel ni'pa rajwaxik chi ktojik che i ij chi ch'iktalik, man keje ile kch'aqi ti chak.

Esdras 9:9

Tupu oj winaq chi oj o pu'ab' i rajaw qachak, xwiri oj awo'tam ti chupam ile, ak'utum rutzil ak'ux chqe chkiwach i ajawinelab' aj Persia, aya'om qak'aslemal chuyakik tan chik awachoch chi wulkrijnaq, oj achajim pa Judá xaq pa Jerusalén.

NEHEMÍAS 6:15

I tapial chi nim uwach xutzin che i ij jo'ob' juwinaq (25) re i ik' Elul, i chak le kab'lajuj kawinaq (52) ij xki'an chu'anik.