Esdras 6:13 - Wuj Pa K'ubultzij

¹³ Are uri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il xki'ano chrij pacha i taqanik chi xuya ma Darío chi ajawinel.

Esdras 6:13 Referans Kwoze

Esdras 4:9

I winaq chi xetaqaw b'i i wuj, je are iri: Ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, ma Simsai chi ajtz'ib', xaq i rachi'il chi je aj-atol tzij, nimaq taq aj-atzil ke i achiyab' je yij che i ch'oj xaq jub'an chik chi nimaq kipatan pa tinimit Persia, Erec, Babilonia, xaq Susa, chi xaq Elam kb'ix che. I jub'an chik winaq re i nimaq taq tinimit chi xe'elsax b'i pkitinimit rumal i nim laj winaq ma Asnapar, chi lik nim u'ij, xeya' chila pa taq tinimit re Samaria xaq chila che ulew chi o pusuk' i qajb'al ij che i raqana Éufrates. I wuj keje iri kub'ij: Ma Artajerjes, chi at ajawinel, yoj chi oj awajchak chi oj o che ulew chi o pusuk' i qajb'al ij che i raqana Éufrates.

Proverbios 29:26

Je k'i kkitzukuj utzil ru' jun aj-ok'al utzam tinimit, xwiri lik xwi i Ajwal ku'an i suk'ul laj atb'al tzij.

Ester 6:11

Are uri ma Amán xeuk'ama i k'ul chi naj raqan xaq i kaway chi re i ajawinel, xukoj che ma Mardoqueo, xu'ansaj chrij i kaway, te'uri xumalkatsaj che i k'ijib'al nim re i tinimit, ksik'in chub'ixkil i tziji: “¡Keje ukojik u'ij i achi iri k-anik chi yatal u'ij rumal i ajawinel!”

Esdras 6:6

Are uri i ajawinel ma Darío xuya i taqaniki che ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq che ma Setar-boznai junam ku' rachi'il chi aj chila che i tinimit le. Chixel chila pa Jerusalén

Esdras 5:6

Iri are jun uk'exwach i wuj chi taqtal b'i che i ajawinel ma Darío rumal ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' rachi'il chi aj-ok'al utzam i tinimit chi o pusuk' i qajb'al ij chila che i raqana Éufrates,

Esdras 4:23

Are x-ajlax uwach uwuj i ajawinel ma Artajerjes chwach ma Rehum, ma Simsai chi ajtz'ib', xaq chkiwach i rachi'il; konojel ike xe'e la pa Jerusalén ru' jun taqanik, xaq xeki'ana k'ax chke, xeki'atij aj Israel chu'anik i chak le.

Esdras 5:3

Xwiri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il, xe'e chub'ixkil chke: “¿Pachin xuya i taqanik chiwe chi kiyak tan chik i rachoch i Diosi xaq kich'uq rij ru' che'? ¿Wach kib'i i winaq chi ketijin tan chik chuyakik i rachoch i Dios?”

ECLESIASTÉS 8:4

I utzij i ajawinel lik o ucho'ab' re k'isb'al tzij, xaq mijun o pu'ab' kutz'onoj che wach i ku'ano.