Esdras 6:12 - Wuj Pa K'ubultzij

¹² ¡Xaq i Dios chi x-uluw i tinimit Jerusalén ipa kk'iji wi ub'i, chuchupu ni uwach xab'i chi ajawinelil xaq xab'i chi tinimital chi kumin taq rib' chu'atixik xaq chu'anik ch'oj chrij i rachoch i Ajwal chi o pa Jerusalén! Yin in ma Darío xinyaw i taqaniki. Ch-antaj na chrij pacha xinb'ij.

Esdras 6:12 Referans Kwoze

1 Reyes 9:3

I Dios xub'ij che: “Xatinta are xatlapan wu' xaq wach taq xatz'onoj chwe, xaq ink'amom i ja le chi xa'an chwe ipa koksax wi in-ij ronojel ij saq. Lik arewi kinchajij na xaq arewi o ni chink'ux.

Deuteronomio 12:5

Chkixol itzob'ajil yix i Ajwal ku'ul ni jun k'ijib'al re rachoch Ire pa koksax wi u'ij. Che i k'ijib'al le utz kix-e yix chukojik u'ij Ire.

Deuteronomio 12:11

Are uri yix, chila che i k'ijib'al chi ku'ul Iwajwal Dios pa koksax wi u'ij Ire, kisujuj ni ronojel ni'pa ix intaqom che chi kisujuj: Kiporoj jalajuj taq chikop re kojb'al u'ij, kik'am nu b'i i sipon jun che i lajuj che i ch'akanik, iqasan xaq ronojel ni'pa cha'om che, chi isujum che i Ajwal.

ÉXODO 20:24

Chit'ub'a uchi' jut'ub'aj ulew re sujb'al sipon chinwach, man puwi i sujb'al sipon le kisujuj wi ichij, ichikop xaq isipon chi kporoxik re chomb'al ib'. Yin kink'un ni che i k'ijib'al ipa kinb'ij wi chiwe, man chila kikuxtaj kinataj wi inb'i, xaq chila kinya wi utzil chomal piwi.

Hechos 9:5

I ma Saulo xutz'onoj che: ¿At pachin Yet, Nim laj Winaq? I ch'awb'al xub'ij che: Yin in Jesús, chwij yin kattijin wi chu'anik ch'oj.

ABDÍAS 1:10

Lik kya' ni ak'ix xaq lik ksach ni awach ronojel ij saq, rumal xab'ij k'ax xaq xakamsaj acha' a Jacob.

ISAÍAS 60:12

I tinimit chi k-on ti upatan chawij, kkam na; ronojel ni'pa i nimaq taq tinimit kewulijsax na.

ECLESIASTÉS 9:10

Xaq ronojel ni'pa o pa'ab' u'anik, cha'ana ru' ronojel ak'ux; man chila pa jul re i kamik ipa keak'isa wi, lik nti anik kraj, nti uch'ob'ik kraj, xaq nti etamanik mitene i no'oj.

Salmos 5:10

¡Chaya utojb'alil kimak chke, Wajwal Dios! ¡Cha'ana chke chi ke'el ti utz ru' wach kkich'ob' u'anik! Lik cheawesaj chawach rumal uk'iyal taq kimak, man je walijnaq chu'anik ch'oj chawij.

Ester 8:14

Rumal i taqanik re i ajawinel, i ajjachol wuj juntir xe'an la rij taq kaway xaq xkimaj la b'i kib'e chujachik i wuj le pa jalajuj taq tinimit, are u'anik uri chi i taqanik le x-etamax k'a pa tinimit Susa.

SEGUNDO LIBRO DE CR%D3NICAS 7:16

man in-ulum xaq ink'amom i ja ri man keje ile inb'i kk'iji ni chila k-e ij saq chrij. Lik kinchajij na xaq lik o ni pink'ux.

Deuteronomio 16:2

Are ktijin i nima'ij re i Pascua, kisujuj ni atitab' chikop, atitab' taq chij, chwach Iwajwal Dios che i k'ijib'al chi ku'ul Ire re kojb'al u'ij ub'i.

Esdras 6:13

Are uri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il xki'ano chrij pacha i taqanik chi xuya ma Darío chi ajawinel.

Esdras 6:14

Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

Esdras 7:15

Chak'ama b'i an-o'oj xaq i saq-o'oj chi ru' ronojel kik'ux i ajawinel xaq i rajpixb'anel kkiya che i Dios ke aj Israel chi o chila pa Jerusalén,

Esdras 7:26

Xapachin ku'an taj chrij pacha kub'ij u'atb'al tzij a-Dios xaq u'atb'al tzij i ajawinel, su' chkamsax uri che i or le, we ntaj chelsax b'i pa cho'ab' chwach rulew, we ntaj chutojo uri i tob'al rib', xaq we ntaj, oj uri prexil.

Esdras 7:17

Ru' i mer le kalo' ni ral taq me', mama'ib' chij, ral taq chij, junam ru' i sipon ch'irajil xaq i uwa'al uva muqb'am, sujb'al re puwi i sujb'al sipon prachoch i-Dios yix chila Jerusalén.