Esdras 5:16 - Wuj Pa K'ubultzij

¹⁶ Keje uri ile chi are xupon ma Sesbasar, xukoj ukub'ib'al i rachoch i Dios pa Jerusalén; che i ij le xjeqan uyakik xwiri k'amaja kutzinik.

Esdras 5:16 Referans Kwoze

Esdras 6:15

I rachoch i Dios xutzin che oxib' ij re i ik' Adar, che uwaq junab' rajawinik ma Darío pa tinimit Persia.

Esdras 3:10

I ajyakol ja are xkikoj ukub'ib'al i rachoch i Dios, i je ajsujul sipon xetak'i anoq, kikojom ki'u' pacha usuk' xaq kok'am ki-trompeta chkijujunal. I je aj Leví, chi je umuq uxikin ma Asaf, kok'am b'i chilchil kojb'al u'ij i Ajwal, chrij pacha utaqom kan u'anik etz ma David ajawinel ke aj Israel.

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

ZACARÍAS 4:10

“I jub'an chi xkikoj ti retalil che i jutaq b'i' ujeqanik b'ik, wo'or lik kekikot ni chrilik i ma Zorobabel chi xuk'is i chak.” Chrijil iri, i ángel xub'ij chik: “I wuqub' kantili lik je are ub'a'wach i Ajwal, chi kkitzu b'i ronojel uwach i jyub' ta'aj.”

Hageo 2:18

Wo'or, che ij kajib' juwinaq (24) re ub'elej ik', kojtal chik ukub'ib'al wachoch.

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.

Juan 2:20

I winaq aj Judío xkib'ij chik che: —Waqib' kawinaq (46) junab' xyaktaj wi rachoch i Diosi, ¿I yet kab'ij chi xa oxib' ij kattiki chuyakik?

Esdras 5:14

Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

Esdras 5:15

I ma Ciro xutaq ma Sesbasar chi kuk'am i jalajuj taq chapanb'al le xaq chutzalijsaj b'i prachoch i Dios chila Jerusalén xaq chila chkiyaka wi chik i rachoch i Dios.

ZACARÍAS 4:9

“I ma Zorobabel ukojom ukub'ib'al i rachoch i Ajwali, xaq lik are ire kuk'is ni uyijb'axik,” kub'ij i Ajwal. Keje uri ile kiwetamaj ni yix chi are i Ajwal chi ronojel ktiki che inutaqom loq.