Esdras 5:14 - Wuj Pa K'ubultzij

¹⁴ Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

Esdras 5:14 Referans Kwoze

Esdras 6:5

Ronojel ni'pa i chapanb'al chi an-o'oj xaq saq-o'oj re i rachoch i Dios, chi xrel-aj li ma Nabucodonosor chila Jerusalén, chi xuk'am li pa Babilonia, chejach ni chik chila pa Jerusalén xaq chya' ni chik prachoch i Dios chila ipa xk'am wi. Keje ile kub'ij i wuj.”

JEREMÍAS 52:19

Xaq keje xu'an i aj-ok'al utzam chke i ajchajinelab', xuk'am b'i ronojel b'iroxik chi an-o'oj xaq i saq-o'oj: Nimaq taq ripraq laq, sib'al, nimaq taq laq, yab'al chaj, tikb'al kantela, nimaq taq lochb'al xaq i tu'b'al re i uwa'al uva muqb'am re sujunik.

Esdras 5:16

Keje uri ile chi are xupon ma Sesbasar, xukoj ukub'ib'al i rachoch i Dios pa Jerusalén; che i ij le xjeqan uyakik xwiri k'amaja kutzinik.

Hechos 13:12

I aj-ok'al utzam i jalajuj taq tinimit, are xril ile, lik xukoj utzij i Dios xaq lik xub'isoj i k'utunik chrij i Ajwal.

Hageo 2:21

xutaq chub'ixkil chi kub'ij che i ma Zorobabel aj-ok'al utzam i jalajuj taq tinimit pa Judá: Yin kin-an ni che i kaj xaq i ulew chi keyikyatik;

Hageo 2:2

i xub'ij che chi kub'ij che i ma Zorobabel, che ma Josué xaq chke i winaq chi je o chila:

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

Esdras 7:27

Are uri ma Esdras xlapan ru' i Dios: “Lik nim u'ij i lo'laj Ajwal chi ki-Dios i qatit qamam, man xu'an che i ajawinel chi kya' ni u'ij i rachoch i Ajwal chila Jerusalén

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.

SEGUNDO LIBRO DE CR%D3NICAS 36:7

I ma Nabucodonosor le xuk'am b'i keb' oxib' che i chapanb'al re i rachoch i Ajwal, xuya prachoch ire chila pa Babilonia.

Esdras 5:15

I ma Ciro xutaq ma Sesbasar chi kuk'am i jalajuj taq chapanb'al le xaq chutzalijsaj b'i prachoch i Dios chila Jerusalén xaq chila chkiyaka wi chik i rachoch i Dios.